The following two tabs change content below.BioLatest Posts बीपी गौतम Latest posts by बीपी गौतम (see all) तिलोत्तमामा पूर्ण सरसफाइ अभियान : ५१ लाखमा ११ हजार डष्टबिन वितरण – सिण्डिकेट अन्त्यको प्रभाव : स्तरीय गाडी भित्र्याउन व्यवसायीको होड – घरपालुवा चौपाया बेवारिसे छाडे जरीवाना ! – साउन ३०, रूपन्देही । प्रदेश नम्बर ५ सरकारले प्रदेशस्थित राष्ट्रिय गौरवका आयोजना निर्माणकोे अवस्थाबारे जानकारी लिएको छ । आयोजनाको निर्माण सुस्त भइरहेको जनगुनासो बढिरहँदा मुख्यमन्त्री कार्यालयमा मङ्गलवार आयोजित छलफल कार्यक्रममा मुख्यमन्त्री शङ्कर पोखरेलले प्रदेशमा सञ्चालित राष्ट्रिय गौरवका आयोजनाका कामको प्रगतिबारे आयोजना प्रमुखसँग जानकारी लिएका हुन् । प्रदेशका सबै मन्त्री र सचिवसमेतको उपस्थितिमा मुख्यमन्त्री पोखरेलले आयोजनाका प्रमुखसँग आयोजनामा अहिलेसम्म भएको काम, खर्च, बाँकी काम र परियोजना सम्पन्न गर्न लाग्ने समय तथा रकमबारे बुझेका थिए । त्यसक्रममा मुख्यमन्त्री पोखरेलले राष्ट्रिय गौरवका आयोजना समयमै सम्पन्न गर्न आयोजना प्रमुखलाई निर्देशन दिए । उनले आयोजना समयमै पूरा हुुन नसक्दा सरकारको विकास र समृद्धिको लक्ष्य पूरा नहुने बताउँदै काम छिटो सम्पन्न गर्न प्रदेश सरकारले समेत सहयोग गर्ने बताए । प्रदेशमा राष्ट्रिय गौरवका आयोजनाका रूपमा रूपन्देहीमा गौतमबुद्ध क्षेत्रीय अन्तरराष्ट्रिय विमानस्थल, लुम्बिनी गुरुयोजना, बर्दिया र बाँकेमा बबई सिँचाइ आयोजना, भेरी बबई डाइभर्सन आयोजना, तराईका जिल्लालाई सडक यातायातको सञ्जालसँग जोड्न हुलाकी राजमार्ग, मध्यपहाडी पुष्पलाल लोकमार्गजस्ता महŒवपूर्ण आयोजना सञ्चालित छन् । छलफलमा आयोजनाका प्रमुखहरूले निर्माणका सन्दर्भमा देखिएका समस्याबारे जानकारी गराउँदै सबैको सहयोग र सहकार्य भए अब निर्माणमा ढिलाइ नहुने बताएका थिए । सोही क्रममा गौतमबुद्ध अन्तरराष्ट्रिय विमानस्थल आयोजना प्रमुख ओम शर्माले १० महीनाभित्र सञ्चालन गर्ने गरी विमानस्थल निर्माणको काम भइरहेको जानकारी गराए । उनले मुआब्जाको करीब रू.६ अर्ब समयमै निकासा हुनुपर्ने बताए । लुम्बिनी विकास कोषका योजना प्रमुख सरोज भट्टराईले ४ दशकदेखि निर्माणको क्रममा रहेको लुम्बिनी गुरुयोजनाको ८० प्रतिशत काम सम्पन्न भएको र बाँकी काम ५ वर्षभित्र सक्ने गरी काम भइरहेको जानकारी दिए । बबई सिँचाइ आयोजनाका प्रमुख कुञ्जनभक्त श्रेष्ठ, सिक्टा सिँचाइ आयोजनाका वरिष्ठ इञ्जिनीयर प्रवीण श्रेष्ठ, भेरी बबई डाइभर्सन आयोजनाका प्रमुख ओमप्रकाश पुडासैनीलगायतले आयोजनाका अहिलेसम्मको प्रगति र काम गर्दाको समस्या सम्बन्धमा मुख्यमन्त्री पोखरेललाई जानकारी गराएका थिए ।