लगानी

२०७४-०४-१ मा प्रकाशित     ४७९८ पटक पढिएको    ० बिचार / प्रतिक्रिया

१० कित्ता अनिवार्य

 धितोपत्र बाँडफाँट प्रक्रियामा नयाँ व्यवस्था

काठमाडौं । साउनदेखि आस्बा प्रणाली अनिवार्य लागू भएसँगै धितोपत्र बाँडफाँट प्रक्रियामा पनि नयाँ व्यवस्था लागू हुनेछ । पूँजीबजार नियामक निकाय नेपाल धितोपत्र बोर्ड (सेबोन)ले जारी गरेको धितोपत्र निष्कासन तथा बाँडफाँट निर्देशिका, २०७४ मा आस्बा अनिवार्य लागू भएसँगै आवेदकलाई १० कित्ता शेयर अनिवार्य बाँडफाँट हुनुपर्ने व्यवस्था ल्याइएको हो । धितोपत्र निर्देशिका जेठ १२ देखि नै लागू भए पनि धितोपत्र बाँडफाँट प्रक्रियामा अनिवार्य १० कित्ता बाँडफाँट प्रक्रियाबमोजिम दरखास्त दिनुपर्ने अनिवार्य व्यवस्था भएको मितिदेखि लागू गर्नुपर्ने निर्देशिकामा उल्लेख छ ।

गत माघदेखि नै आस्बा प्रणाली लागू भएको हो । बोर्डले आस्बा प्रणाली प्रभावकारी बनाउन यससम्बन्धी निर्देशिकाबमोजिम शेयर खरीद आवेदन लिने/दिने व्यवस्था गर्न लगानीकर्ता र अनुमति प्राप्त संस्थाहरूलाई आग्रह गरेको छ । साथै, बोर्डले डिम्याटसम्बन्धी नयाँ व्यवस्थामा हाल दुईभन्दा बढी डिम्याट खाता भएका लगानीकर्ताले बढीमा दुईओटा मात्र खाता कायम गर्न भदौ मसान्तसम्मको अवधि तोकेको छ । बोर्डले दिएको जानकारीअनुसार हाल अनुमतिप्राप्त बैङ्क तथा वित्तीय संस्थाहरूले ७५ ओटै जिल्लामा २ हजार ३ सयभन्दा बढी शाखामार्फत आस्बा सेवा प्रदान गर्दै आएका छन् ।

धितोपत्र बाँडफाँट प्रक्रिया :
१. धितोपत्र सर्वप्रथम सबै आवेदकलाई १० कित्ताको दरले बाँडफाँट गर्नुपर्नेछ । यसरी बाँडफाँट गरेर बाँकी रहेको निष्कासित धितोपत्र २० वा सोभन्दा बढी कित्ता आवेदन गर्ने आवेदकलाई पुनः १० कित्ताका दरले बाँडफाँट गर्नुपर्ने व्यवस्थामा उल्लेख छ ।

२. धितोपत्र बाँडफाँट प्रक्रिया सकिएपछि धितोपत्र बाँकी भएमा पुनः सोही प्रक्रियाले बाँडफाँट गर्नुपर्नेछ । धितोपत्र १० कित्ताका दरले सबै आवेदकलाई बाँडफाँट गर्न अपुग हुने अवस्थामा न्यूनतम १० कित्ता पाउनेगरी गोला प्रथाबाट आवेदक छनोट गरी बाँडफाँट गर्नुपर्नेछ ।

३. धितोपत्र बाँडफाँट गर्दा बोर्डबाट सहमति प्रदान गरिएको सफ्टवेयर प्रयोग गर्नुपर्नेछ ।

४. धितोपत्रको बाँडफाँट गरेको दिन वा भोलिपल्टसम्ममा निष्कासन तथा विक्री प्रबन्धकले बोर्ड, धितोपत्र बजार तथा सर्वसाधारणलाई जानकारी गराउनुपर्नेछ ।

धितोपत्रको बाँडफाँट समयावधि :
सार्वजनिक निष्कासनका लागि खुला गरिएको धितोपत्र विक्री बन्द भएपछि २ लाखसम्मको धितोपत्र खरीदका लागि प्राप्त दरखास्त भए ३ दिनभित्र, २ लाखदेखि ३ लाखसम्म ४० दिनभित्र र ३ लाखदेखि माथिको भए ५० दिनभित्र बाँडफाँट गर्नुपर्नेछ । सो अवधिमा बाँडफाँट गर्न नसकेमा आवेदकले दरखास्तबापत जम्मा गरेको रकम फिर्ता भुक्तानी गर्नुपर्नेछ । धितोपत्र विक्री बन्द भएको मितिदेखि भुक्तानी दिन शुरू गरेको अघिल्लो दिनसम्मको सरकारी ऋणपत्रको प्रचलित अन्तिम ब्याजदरको आधारमा हुन आउने ब्याजबापतको रकमसहित फिर्ता भुक्तानी दिनुपर्नेछ ।


#  
कुनै पनि बिचार / प्रतिक्रिया छैन ।
http://nepallife.com.np/
Kalash Cement
http://www.keyalgroup.org
http://www.keyalgroup.org
Trisakti Cement

नयाँ अपडेट

फोटो फिचर

तीतो मीठो

चुनावी नशामा लठ्ठ जनता
चुनाव साँच्चिकै लाग्यो त देशमा । तीव्र राजनीतिक ध्रुवीकरणका कारण पनि चुनावले सबैजसो नेपालीलाई नशा लागेजसरी समातेको छ । अझ वाम र काङको जुहारीले पनि रमाइलो मेला मन पराउने . . . विस्तृतमा »