Warning (512): _cake_core_ cache was unable to write 'cake_eng' to File cache [CORE/Cake/Cache/Cache.php, line 323]
जापानको अनुदान चामल व्यवस्थापन गर्न ५ वर्ष ! | आर्थिक अभियान राष्ट्रिय दैनिक

समाचार

२०७४-०४-२ मा प्रकाशित     ४७९ पटक पढिएको    ० बिचार / प्रतिक्रिया

आयात गर्दा नै ५५ सय क्वीण्टल चामल बिग्रेको थियो : संस्थान

काठमाडौं । जापान सरकारले सन् २०१२ मा अनुदानमा दिएको चामल आयातको क्रममा नै बिग्रिएको भए पनि त्यसको व्यवस्थापनको काम भने ५ वर्षपछि मात्रै अघि बढेको छ । उपलब्ध गराएको करीब २ लाख क्वीण्टल चामलमध्ये ५५ सय क्वीण्टल चामल मानव प्रयोजनका लागि अयोग्य भएको पुष्टि भएपछि नेपाल खाद्य संस्थानले उक्त परिणामको चामल ढिलै भए पनि व्यवस्थापन गर्न लागेको हो । जापान सरकारले हरेक वर्ष आफ्ना दाता मुलुकलाई केआर १ शीर्षकअन्तर्गत विभिन्न सामग्री अनुदानस्वरूप दिने गरेको छ । सोही क्रममा सन् २०१२ मा नेपाललाई उक्त परिमाणको चामल अनुदानमा दिइएको थियो ।

जापान सरकारले दिएको उक्त चामलमध्ये ५५ सय क्वीण्टल कोलकातास्थित बन्दरगाहमा आयातको क्रममा नै बिग्रिएको संस्थानका प्रवक्ता शङ्कर सापकोटाले बताए । आयात भएको ५ वर्षपछि अहिले आएर सो चामल व्यवस्थापनको कार्य अघि बढेको हो । प्रवक्ता सापकोटाका अनुसार अनुदानमा दिएको उक्त चामलको सर्वेका लागि जापानबाट आएको एक टोलीले ‘ड्यामेज’ भनी प्रमाणीकरणसमेत गरेको थियो । त्यसपछि जापान सरकारले बिग्रेको चामलको परिमाणबराबर करीब १ करोड ८० लाख रुपैयाँ क्षतिपूर्तिसमेत दिइसकेको छ ।

बिगे्रको चामल व्यवस्थापनका लागि संस्थानले समिति गठन गरी खाद्यप्रविधि तथा गुण नियन्त्रण विभागको सहकार्यमा गुणस्तर परीक्षण गरी प्रतिवेदनसमेत पेश गरिसकेको छ । प्रतिवेदनमा उक्त चामल मानव प्रयोजनका लागि अयोग्य भएको उल्लेख छ । तर, पशुपक्षीको दाना वा अन्य कुनै प्रयोजनमा कच्चा पदार्थको रूपमा यसलाई प्रयोग गर्न सकिने हुँदा टेण्डर आह्वान गरी व्यवस्थापनको कार्य अघि बढाइएको सापकोटाको भनाइ छ । उनले भने, ‘आयातको क्रममा नै बिग्रिएको चामलको क्षतिपूर्ति पाइसकेकाले त्यसको व्यवस्थापनका लागि काम अघि बढिसकेको छ । विभिन्न स्थानमा त विक्रीसमेत भइरहेको उनले जानकारी दिए । क्षतिपूर्ति रकम भने २ वर्षअघि नै आइसकेको छ ।

बिग्रिएको चामल संस्थानका नेपालगञ्ज, वीरगञ्ज, सुर्खेत, काठमाडौंलगायत कार्यालयमा रहेको छ । उक्त चामलको मूल्य काठमाडौंमा ३० केजीको प्रतिबोरा ७ सय र अन्य स्थानमा ४ सय रुपैयाँ मूल्य निर्धारण गरिएको छ । संस्थानसँग उक्त ३० केजी परिमाणका कुल १९ हजार २ सय २८ बोरा चामल रहेका छन् ।

दैनिक काम कारबाहीमा ढिलासुस्ती र आरोप खेप्दै आएको सरकारी निकायको कामप्रति यस्तो विषयले बारम्बार थप प्रश्न खडा गर्ने गरेको छ । प्रवक्ता सापकोटाले भने खान अयोग्य ठहर गरिएको चामल व्यवस्थापनमा केही समय लागेको स्वीकारे । ‘तर, संस्थानका कर्मचारीले प्रभावकारी ढङ्गले वा तदारुकताका साथ काम नगरेको भने पक्कै होइन,’ उनले भने ।


#  
कुनै पनि बिचार / प्रतिक्रिया छैन ।

समाचार

http://nepallife.com.np/
Kalash Cement
http://www.keyalgroup.org
http://www.keyalgroup.org
Trisakti Cement

नयाँ अपडेट

फोटो फिचर

तीतो मीठो

चुनावी नशामा लठ्ठ जनता
चुनाव साँच्चिकै लाग्यो त देशमा । तीव्र राजनीतिक ध्रुवीकरणका कारण पनि चुनावले सबैजसो नेपालीलाई नशा लागेजसरी समातेको छ । अझ वाम र काङको जुहारीले पनि रमाइलो मेला मन पराउने . . . विस्तृतमा »