समाचार

२०७४-०४-२ मा प्रकाशित     १५० पटक पढिएको    ० बिचार / प्रतिक्रिया

लक्ष्यभन्दा १०८ प्रतिशत बढि राजस्व संकलन

गत आर्थिक वर्षमा ६ खर्ब १२ अर्ब राजस्व असुली

साउन २, काठमाडौं । अर्थमन्त्री ज्ञानेन्द्रबहादुर कार्कीले आर्थिक वर्ष २०७३÷७४ मा रू. छ खर्ब १२ अर्ब राजस्व संकलन भएको जानकारी दिएका छन् । व्यवस्थापिका–संसद् अर्थसमितिको सोमवारको बैठकमा उनले लक्ष्यभन्दा १ सय ८ प्रतिशत राजस्व संकलन भएको जानकारी दिएका हुन् । गत आर्थिक वर्षमा सरकारले रू. ५ खर्ब ६५ अर्ब राजस्व उठाउने लक्ष्य निर्धारण गरेको थियो । 

अर्थमन्त्री कार्कीले राजस्व चुहावट र राजस्व संकलनमा हुने अनियमिता रोक्न व्यवहारमै खरो रुपमा उत्रने दृढता पनि व्यक्त गरे । उनले भने, ‘राजस्व चुहावट र अनियमितता उपर शून्य सहनशीलताको नीति लिइएको छ, यो केवल बुँदामा मात्र होइन, व्यवहारमै खरो रुपमा उत्रेर प्रमाणित गरिने छ । राजस्व प्रणालीमा र कर असुलीमा हुने अनियमितता नियन्त्रण गर्न प्रविधिमा आधारित स्वचालित माध्यमको प्रयोगमा भन्सार कर प्रणाली सञ्चालनमा जोड दिइएको छ ।” 

राजस्व प्रणालीमा देखिने अनियमितता र असहजता नियन्त्रणका लागि कारोबारको उद्गम विन्दू भन्सार वा उत्पादनस्थल देखिनै त्यस्ता कारोबारलाई अनुगमन र कारोबारको विवरण विद्युतीय प्रणालीमा ल्याउने, कर र कानूनको सुक्ष्म निगरानी राख्ने कार्यलाई मन्त्रालयले प्राथमिकता दिएर काम गरिरहेको अर्थमन्त्री कार्कीले बताए । कर चुहावट नियन्त्रण गर्न कर प्रशासनमा काम गर्ने कर्मचारीको कार्यशैली र व्यवहारको अनुगमन हुने तथा भन्सार, राजस्व र कर प्रणालीमा काम गर्नेका लागि आचारसंहिता निर्माण गरी लागू गर्ने तयारी भइरहेको उनले बताए । 

राजस्व संकलनलाई प्रभावकारी तुल्याउन मुलुकका १३ स्थानमा आइपी क्यामेरा जडान गर्ने काम तीव्ररुपमा भइरहेको सो अवसरमा जानकारी दिइयो । कर फछ्र्यौट आयोगजस्ता आयोग गठन गर्ने कार्यलाई व्यवस्थित गर्न प्रस्तावित राजस्व सम्बन्धी बोर्ड ऐनमा स्थानीय प्रकृतिको कर विवाद समाधान समितिको प्रस्ताव गरी त्यसको कार्यक्षेत्र र कार्य प्रक्रिया स्पष्ट गर्न प्रस्ताव गरिएको अर्थमन्त्री कार्कीले जानकारी दिए ।  

कर छली तथा अनियमितता गर्ने व्यक्ति, फर्म वा संस्थाका पदाधिकारीको क्रियाकलापको अनुगमनबाट प्राप्त सूचनाको आधारमा छानबीन र अनुसन्धान गरी कारबाही गरिने सो अवसरमा उनले प्रतिवद्धता व्यक्त गरेका छन् ।  

अर्थमन्त्रालयका राजस्व सचिव शिशिर ढुङ्गानाले कर फछ्र्यौट आयोग गठन गर्नु आफैँमा नराम्रो नभए पनि कार्यशैली र पारदर्शीताको प्रश्न महत्वपूर्ण हुन्छ भन्दै संसार भरका अरु मुलुकमा पनि कुनै न कुनै रुपमा कर फछ्र्यौट आयोग गठन हुने गरेको बताए । सो अवसरमा समितिका सदस्यले राजस्व संकलन र कर प्रशासनमा देखिएको भ्रष्टाचार र अनियमितता रोक्न मन्त्रालयले चालेको कदमबारे जिज्ञासा राखेका थिए । रासस

 


#  
कुनै पनि बिचार / प्रतिक्रिया छैन ।
4th NEWBIZ BUSINESS CONCLAVE & AWARDS
http://nepallife.com.np/
Kalash Cement
http://www.keyalgroup.org
http://www.keyalgroup.org

नयाँ अपडेट

फोटो फिचर

तीतो मीठो

मन्त्री अब ‘नायक’ पनि
जबजब नेपालमा उद्योगी व्यापारीले जनतालाई बढी मूल्य लिएर ठगेर पाप कर्म गर्न थाल्छन्, तबतब कृष्ण भगवान् धर्तीमा आएसरि हाम्रा मन्त्री, सरकारी अधिकारीहरु त्यस्ता पापीहरुलाई समाप्त . . . विस्तृतमा »