समाचार

२०७४-०४-२ मा प्रकाशित     २६० पटक पढिएको    ० बिचार / प्रतिक्रिया

ठूला परियोजनामा लगानी बढाउन चेम्बरको आग्रह

काठमाडौं । नेपाल चेम्बर अफ कमर्शले भारतीय राजदूत मञ्जीव सिंह पुरीलाई भारत सरकारसँग विभिन्न समयमा भएका बिप्पा, पीडीए, पीटीएलगायतका सम्झौता कार्यान्वयन गर्न आग्रह गरेको छ । राजदूत पुरीको स्वागतमा चेम्बरले सोमवार राजधानीमा आयोजना गरेको कार्यक्रममा दुई देशको सम्बन्ध तथा आर्थिक विकासका बारेमा छलफल भएको थियो ।

चेम्बर अध्यक्ष राजेशकाजी श्रेष्ठले नेपाल भारत सम्बन्ध र व्यापार क्षेत्रको बारेमा जानकारी गराउँदै राजदूत पुरीसमक्ष नेपालका जलविद्युत्, पर्यटन र पूर्वाधार विकासमा लगानी बढाउन आग्रह गरे । भारत सरकारले नेपालसँग गरेका सम्झौता कार्यान्वयनमा ढिलाइ हुने गरेको भन्दै उनले ठूला र मेगा परियोजनाका काम अगाडि बढाउन आग्रह गरेका हुन् ।

नेपाल–भारत व्यापार विस्तारका लागि सीमाक्षेत्रको सडक तथा रेल सञ्जाल विस्तारमा विशेष ध्यान दिनुपर्नेमा चेम्बर पदाधिकारीले जोड दिएका छन् । उनीहरूले भारतसँग नेपालको सीमा जोडिएका उत्तरप्रदेश, उत्तराखण्ड, विहार, पश्चिमबङ्गालबाट सडक र रेल सञ्जाल विस्तार गर्नमा ध्यान दिनुपर्ने बताए । भारतबाट नेपाल आयात हुने मालवाहक ट्रकको सीमापारि लामो लाइन लागेको भन्दै सीमा क्षेत्रको भौतिक पूर्वाधार निर्माण गरिनुपर्नेमा चेम्बरले जोड दिएको छ ।

कार्यक्रममा चेम्बर अध्यक्ष श्रेष्ठले भारतमा हालै लागू भएको वस्तु तथा सेवा कर (जीएसटी)को स्वागत गर्दै भारतीय मुद्रामा हुने नेपालको आयात–निर्यातबारे जीएसटीले गर्ने व्यवस्था स्पष्ट हुनुपर्ने बताएका छन् ।

चेम्बरले गरेको स्वागत र नेपाल भारत सम्बन्धका लागि खेलेको भूमिकाको प्रशंसा गर्दै राजदूत पुरीले नेपालको आर्थिक विकासका लागि भारतको सधैं सहयोग रहने बताए । भारतले नेपालका ठूला आयोजनामा लगानी गरिरहेको र पुराना आयोजनाका काम पनि अगाडि बढ्ने विश्वास उनले दिलाए । भारतबाट आयात गरिने सामानका लागि जयनगरदेखि जनकपुरसम्मको रेल सञ्चालनको काम अगाडि बढेको र अन्य क्षेत्रबाट रेल सञ्चालन गर्ने विषयमा काम अगाडि बढाउने तयारी भएको उनको भनाइ थियो ।

नेपाल भारतबीच सदियौंदेखिको सम्बन्ध र चेम्बरले खेलेको भूमिका सकारात्मक रहेको बताउँदै राजदूत पुरीले ठूला परियोजनाका लागि आफूहरू काम गर्न तयार रहको बताए । चेम्बरले चीनले अगाडि बढाएको ओबर परियोजनामा नेपाल सहभागी भएको भन्दै भारतले अगाडि बढाएको जापान हुंदै अफ्रिका जोड्ने परियोजनामा पनि सहयोगी हुन तयार रहेको बताएको थियो । जवाफमा राजदूत पुरीले चीनले अघि सारेको पाकिस्तानको बाटो भएर जाने ओबरको अवधारणामा असुरक्षा रहेकाले भारत त्यसमा सहमत हुन नसकेको भन्दै भारतका लागि ओबरभन्दा एशिया अफ्रिका व्यापार मार्ग उपयुक्त रहने बताए ।

नेपालसँग उद्योग, पर्यटन, जलविद्युत् र पूर्वाधार विकासमा भारतको सधैं साथ र सहयोग रहने र मिलेर अगाडि बढ्नेमा राजदूत पुरीले विश्वास दिलाएका थिए ।  


#  
कुनै पनि बिचार / प्रतिक्रिया छैन ।
4th NEWBIZ BUSINESS CONCLAVE & AWARDS
http://nepallife.com.np/
Kalash Cement
http://www.keyalgroup.org
http://www.keyalgroup.org

नयाँ अपडेट

फोटो फिचर

तीतो मीठो

मन्त्री अब ‘नायक’ पनि
जबजब नेपालमा उद्योगी व्यापारीले जनतालाई बढी मूल्य लिएर ठगेर पाप कर्म गर्न थाल्छन्, तबतब कृष्ण भगवान् धर्तीमा आएसरि हाम्रा मन्त्री, सरकारी अधिकारीहरु त्यस्ता पापीहरुलाई समाप्त . . . विस्तृतमा »