समाचार

२०७४-०४-२८ मा प्रकाशित     १६३९ पटक पढिएको    ० बिचार / प्रतिक्रिया

कैद भुक्तान गर्न जेलमै बस्नु नपर्ने, घरमा बसेर वा रातिमात्र कारागारमा सुत्न पाइने कानून आयो

साउन २८, काठमाडौं (अस) । कुनै सजाँयमा कारागार चलान भएको कैदीले अब खुला कैद वा घरमा बसेर, राति मात्र कारागारमा सुत्न गएर वा शनिवार मात्र कारागारमा बस्न पाउने गरी नयाँ कानून पारित भएको छ । तर, यस्तो सुविधा गंभिर प्रकृतिका र लामो सजाँय पाएका कैदीलाई भने छुट हुने छैन् । 

व्यवस्थापिका—संसदको बिहीवार बसेको बैठकले फौजदारी कसूर (सजाँय निर्धारण तथा कार्यान्वयन) विधेयक, २०७४ लाई पारित गरेको छ । सो विधेयकमा राम्रो आचरण प्रस्तुत गरेको कैदीले खुला कैदमा बस्न चाहेमा त्यसको सुविधा पनि दिन सकिने गरी प्रावधान राखिएको छ ।

दुई वर्ष अवधि भुक्तान गरेको र राम्रो आचरण भएको कैदीलाई कारागार प्रमुखको सिफारिसमा सम्बन्धित जिल्ला अदालतको न्यायाधीशले अनुमति दिएमा त्यस्तो कैदीलाई खुला कारागारमा राख्न सकिने प्रावधान सो कानूनमा रहेको छ । खु्ला कारागार भनेको सम्बन्धित निकायको निगरानीमा कैदीले आफ्नो घरसमेत गई बस्न सक्ने छुट हो ।

यसैगरी सो कानूनमा एक वर्ष भन्दा कम कैद भएको कैदीले चाहेमा शनिवार वा राति मात्र कारागार गई बस्न सक्ने गरी नयाँ ब्यवस्थासमेत गरेको छ । यस्तो सुविधा गम्भीर प्रकृतिको अपराध गरेको कैदीलाई भने सुविधा दिन नसकिने कानूनमा उल्लेख गरिएको छ । 

मुलुकी ऐनलाई विस्थापित गर्न ल्याइएको कानून मध्ये यो एक हो ।

 


#  
4th NEWBIZ BUSINESS CONCLAVE & AWARDS
http://nepallife.com.np/
Kalash Cement
http://www.keyalgroup.org
http://www.keyalgroup.org

नयाँ अपडेट

फोटो फिचर

तीतो मीठो

मन्त्री अब ‘नायक’ पनि
जबजब नेपालमा उद्योगी व्यापारीले जनतालाई बढी मूल्य लिएर ठगेर पाप कर्म गर्न थाल्छन्, तबतब कृष्ण भगवान् धर्तीमा आएसरि हाम्रा मन्त्री, सरकारी अधिकारीहरु त्यस्ता पापीहरुलाई समाप्त . . . विस्तृतमा »