प्रविधि

२०७४-०४-३० मा प्रकाशित     २६८१ पटक पढिएको    ० बिचार / प्रतिक्रिया

कम्प्युटर कत्तिको रिफ्रेश गर्नुहुन्छ ?

केही मानिस कम्प्युटर खोलेबित्तिकै  रिफ्रेश गर्न शुरू गर्छन् । कतिपय चाहिँ लगातार रिफ्रेश गर्छन् । तर, तपाईंले रिफ्रेशको असर केही हुन्छ कि हुँदैन भन्ने विषयमा कहिल्यै सोच्नुभएको छ ?
एक विवरणले विण्डोजका १० जना प्रयोगकर्तामध्ये ९ जनाले रिफ्रेश गर्ने गरेको देखाएको छ । कम्प्युटर वा ल्यापटप खोले पनि सबैजसो प्रयोगकर्ताको पहिलो काम भनेको त्यसलाई रिफ्रेश गर्नु नै हुने गरेको छ । कहिलेकाहीँ कम्प्युटरलाई रिफ्रेश पनि गर्नुपर्ने हुन सक्छ । तर, धेरैले यसको काम तथा प्रभाव पनि थाहा नपाईकन रिफ्रेश गरिरहेका हुन्छन् ।

केही मानिसले आफ्नो नजिकैको साथीले रिफ्रेश गरिरहेको देखेर पनि रिफ्रेश गरिरहेका हुन्छन् । केही मानिस कम्प्युटर रिफ्रेश गर्नाले छिटो चल्छ भन्ने सोचाइ राख्छन् । कतिपयले लगातार ३० सेकेण्डसम्म कम्प्युटर रिफ्रेश गरिरहेका हुन्छन् भने केहीले एफ५ थिचेर पनि रिफ्रेश गर्ने गरेको देखिन्छ ।

के हो त रिफ्रेशको वास्तविक असर ?
डेस्कटपमा रिफ्रेश गर्ने जुन आइकन हुन्छ, यसमा केही सामान्य कामबाहेक अरू केही हुँदैन । यसले  र्‍याम रिफ्रेश हुँदैन । रिफ्रेश गर्दा डेस्कटपमा देखिएको कुनै पनि स्लो हुने समस्या समाधान हुँदैन । यसले कम्प्युटरको कार्यसम्पादनमा कुनै पनि असर गर्दैन ।

किन राखिन्छ रिफ्रेश टूल ?
रिफ्रेश टूल कम्प्युटरमा रि–डिस्प्लेका लागि काम लाग्छ । कहिलेकाहीँ डेस्कटपका आइकनहरूमा परिवर्तन गर्दा तत्काल देखिँदैनन् । यस्तो अवस्थामा भने यो टूलले काम गर्छ । यो टूल प्रयोग गरेमा सबै आइकन डेस्कटपमा देखिन्छन् । साथै, तपाईंको आइकनलाई अल्फाबेटअनुसार मिलाउन पनि यो टूलको प्रयोग गर्न सकिन्छ । कुनै नयाँ आइकन डेस्कटपमा राखेमा यो सबैभन्दा तल आउँछ, यस्तोमा त्यसलाई अल्फाबेटअनुसार मिलाउन रिफ्रेश टूलको प्रयोग गर्नु जरुरी हुन्छ ।

किन गर्छन् लगातार रिफ्रेश ?
विण्डो क्लबका अनुसार रिफ्रेश गर्ने मानिस कम्पल्सिभ डिसअर्डरबाट प्रभावित भएका हुन्छन् । यस्ता मानिस विनाकुनै कारण सामग्रीको जाँच गर्ने हुन्छन् । यो समस्या सामान्य मानिसलाई मात्रै नभई कम्प्युटर इञ्जिनीयरहरूलाई पनि हुने गरेको पाइएको छ । विण्डो क्लबका अनुसार यो कुनै खास काम नभएकाले यसलाई रोक्नु नै उपयुक्त हुन्छ । यदि तपाईंलाई पनि यस किसिमको बानी छ भने यसलाई बेलैमा रोक्नुहोस् । किनकि, यसले तपाईंको समय मात्र बर्बाद गरिरहेको हुन्छ । (एजेन्सी)

 


#  
कुनै पनि बिचार / प्रतिक्रिया छैन ।
4th NEWBIZ BUSINESS CONCLAVE & AWARDS
http://nepallife.com.np/
Kalash Cement
http://www.keyalgroup.org
http://www.keyalgroup.org

नयाँ अपडेट

फोटो फिचर

तीतो मीठो

मन्त्री अब ‘नायक’ पनि
जबजब नेपालमा उद्योगी व्यापारीले जनतालाई बढी मूल्य लिएर ठगेर पाप कर्म गर्न थाल्छन्, तबतब कृष्ण भगवान् धर्तीमा आएसरि हाम्रा मन्त्री, सरकारी अधिकारीहरु त्यस्ता पापीहरुलाई समाप्त . . . विस्तृतमा »