समाचार

२०७४-०७-२ मा प्रकाशित     २९० पटक पढिएको    ० बिचार / प्रतिक्रिया

सम्पत्ति शुद्धीकरणका क्षेत्रमा प्रभावकारी कार्य गर्न नसके नेपाल फेरि कालोसूचीमा पर्ने : सुबेदी

सेवा निवृत्त अर्थ सचिव शान्तराज सुवेदीको बिदाई

कात्तिक २, काठमाडौं (अस) । अर्थमन्त्री ज्ञानेन्द्रबहादुर कार्कीले मुलुकको अर्थतन्त्रलाई अघि बढाउन अर्थ सचिव शान्तराज सुवेदीले महत्वपूर्ण योगदान गरेको बताएका छन् । अर्थ सचिव सुवेदीको बिदाइका लागि बुधवार अर्थमन्त्रालयमा आयोजित कार्यक्रममा अर्थमन्त्री कार्कीले अर्थ सचिवका रुपमा सुवेदीले मुलुकको अर्थतन्त्रको विकासका लागि खेलेको भूमिकाको प्रशंसा गर्दै उनको भूमिकाको अनुशरण गरेर अघि बढ्न अर्थ मन्त्रालयका कर्मचारीलाई सुुझाव दिए । 

कार्यक्रममा अर्थसचिव शान्तराज सुवेदीले नेपालले सम्पत्ति शुद्धीकरणका क्षेत्रमा तत्कालै प्रभावकारी कार्य गर्न नसके नेपाल फेरि पनि सम्पत्ती शुद्धीकरणको कालोसूचीमा पर्नसक्ने बताएका छन् । उनले मुलुकलाई तत्कालै पूर्वाधारको निर्माणका लागि करीब रू. १७ अर्बभन्दा बढी रकम आवश्यक भएकाले त्यसका लागि राजस्व संकलन वृद्धि गर्न राजस्व प्रशासनलाई थप व्यवस्थित बनाउनु आवश्यक भएको उल्लेख गरेका छन् । 

राजस्व सचिव शिशिरकुमार ढुङ्गानाले अर्थ सचिवका रुपमा र मुलुकको आर्थिक क्षेत्रको सुधार र विकासका पक्षमा शान्तराज सुवेदीले महत्वपूर्ण कार्य गरेर देशलाई योगदान पुु¥याएको बताए । कार्यक्रममा नेपाल राष्ट्र बंङ्कका कामु गभर्नर चिन्तामणि शिवाकाटीलगायतका वक्ताले अर्थ सचिव सुवेदीले व्यावसायिक दक्षताका साथ नेपालको अर्थक्षेत्रमा महत्वपूर्ण भूमिका खेलेको बताएका थिए । रासस


#  
कुनै पनि बिचार / प्रतिक्रिया छैन ।

समाचार

http://nepallife.com.np/
Kalash Cement
http://www.keyalgroup.org
http://www.keyalgroup.org
Trisakti Cement

नयाँ अपडेट

फोटो फिचर

तीतो मीठो

चुनावी नशामा लठ्ठ जनता
चुनाव साँच्चिकै लाग्यो त देशमा । तीव्र राजनीतिक ध्रुवीकरणका कारण पनि चुनावले सबैजसो नेपालीलाई नशा लागेजसरी समातेको छ । अझ वाम र काङको जुहारीले पनि रमाइलो मेला मन पराउने . . . विस्तृतमा »