रोजगारी

२०७३-११-१९ मा प्रकाशित     २४९७ पटक पढिएको    १ बिचार / प्रतिक्रिया

काठमाडौं । नेपाल सरकार र इजरायल सरकारबीचको सम्झौताअनुसार इजरायलबाट ६० जना केयर गिभरको माग भएपछि सोका लागि आवेदन खुला गरिएको छ । वैदेशिक रोजगार विभागका अनुसार आगामी चैत ९ गतेसम्म आवेदन गर्नेमध्ये ४८ जना महिला र १२ जना पुरुष इजरायल जान पाउनेछन् । आगामी चैत ९ गतेसम्म वैदेशिक रोजगार विभागको बुद्धनगर शाखामा इच्छुकले आवेदन गर्न सक्ने बताइएको छ ।

२५ वर्ष पूरा भई ४५ वर्ष ननाघेको, उचाइ कम्तीमा ५ फिट, तौल कम्तीमा ४५ केजी र कम्तीमा एसएलसी पास भएकाले इजरायली रोजगारीका लागि आवेदन दिन सक्ने बताइएको छ । यसैगरी वैदेशिक रोजगार प्रवद्र्धन बोर्डबाट मान्यताप्राप्त संस्थाबाट कम्तीमा ३ महीनाको केयर गिभर तालीम वा प्राक्टिकल नर्सिङ सफलतापूर्वक पूरा गरेको प्रमाणपत्र भएको हुनुपर्ने पनि बताइएको छ । यसअघि इजरायल पुगेकाले भने आवेदन दिन नपाउने विभागले उल्लेख गरेको छ । आवेदकले इण्टरमिडियट लेभलको अङ्ग्रेजी भाषाको ज्ञान गरेको हुनुपर्ने र पूर्णरूपमा स्वस्थ भएको हुनुपर्ने प्रावधान पनि छ ।

आवेदकले निवेदन दिँदा प्रहरी प्रतिवेदन, नागरिकता तथा राहदानीको फोटोकपी, २ पीपी साइज फोटो, शैक्षिक योग्यताको प्रमाणपत्र, तालीमका प्रमाणपत्र पेश गर्नुपर्ने बताइएको छ । केयर गिभरको अन्तिम छनोट भने वैदेशिक रोजगार विभाग र इजरायलस्थित पीआईबीएले गर्नेछ । छनोट भएका आवेदकले इजरायल पुगेपछि विद्यमान कानूनको परिधिभित्र रही वृद्ध, अपाङ्ग तथा अशक्त (रोजगारदाता)को स्याहार, सम्भार र रेखदेख गर्नुपर्नेछ ।

कल्याणकारी कोष, बीमा, स्वास्थ्य परीक्षण तथा हवाई टिकटको सबै खर्च कामदारले नै बेहोर्नुपर्ने बताइएको छ । नेपाली महिलाका लागि रोजगारमैत्री र सुरक्षित मानिएको इजरायल कोरियाजस्तै आकर्षक रोजगार गन्तव्य बन्दै गएको छ । नेपाल र इजरायल सरकारबीच ‘केयर गिभर’का रूपमा नेपाली कामदार छनोट गरी लैजाने सम्बन्धमा सम्झौता भएपछिलगत्तै कामदार माग गरिएको छ । २ देशबीच गत साउनमा भएको द्विपक्षीय सम्झौतामा ३ सय नेपाली कामदार केयर गिभरका रूपमा छनोट गरिने बताए पनि हाल ६० जनामात्र जाने निश्चित भएको छ ।

कोरियाले १० हजार जना लैजाने
कोरिया सरकारले रोजगार अनुमति प्रणाली (ईपीएस)अन्तर्गत सन् २०१८ का लागि लगभग १० हजार नेपाली कामदार लैजाने भएको छ । आगामी जेठ महीनामा सञ्चालन हुने ईपीएस परीक्षामा सामेल भई उत्तीर्ण हुनेमध्ये छनोट गरी कोरिया लगिने बताइएको छ । यसका लागि वैदेशिक रोजगार विभाग ईपीएस शाखाले चैतमा परीक्षा आवेदन र जेठमा परीक्षा सञ्चालनका लागि कोरियाको मानव संशाधन बोर्डलाई गरेको प्रस्तावले स्वीकृति पाइसकेको छ ।

ईपीएस शाखाका अधिकृत शोभाकर भण्डारीका अनुसार परीक्षाको आवेदन चैत ९ देखि १८ गतेसम्म सङ्कलन र परीक्षा जेठ २७ र २८ गते सञ्चालन गरिनेछ ।  यस वर्षको परीक्षा आवेदन अनलाइन प्रणालीबाट लिइने बताइएको छ ।

कोरियाले यो बर्षका लागि उत्पादनमूलक क्षेत्रमा ३ हजार ८ सय र कृषि क्षेत्रका लागि ६ हजार नेपालीलाई पास गराउने योजना बनाएको छ । सन् २०१७ मा परीक्षा दिएकामध्ये उत्कृष्ट १० हजार नेपाली रोजगारीका लागि कोरिया जान पाउनेछन् ।


#  
Durga Bahadur Thapa लेख्नुहुन्छ

I am 45 years old can i apply to korea sir?

4th NEWBIZ BUSINESS CONCLAVE & AWARDS
http://nepallife.com.np/
Kalash Cement
http://www.keyalgroup.org
http://www.keyalgroup.org

नयाँ अपडेट

फोटो फिचर

तीतो मीठो

मन्त्री अब ‘नायक’ पनि
जबजब नेपालमा उद्योगी व्यापारीले जनतालाई बढी मूल्य लिएर ठगेर पाप कर्म गर्न थाल्छन्, तबतब कृष्ण भगवान् धर्तीमा आएसरि हाम्रा मन्त्री, सरकारी अधिकारीहरु त्यस्ता पापीहरुलाई समाप्त . . . विस्तृतमा »