प्रविधि

२०७३-११-३० मा प्रकाशित     ३६७५ पटक पढिएको    १ बिचार / प्रतिक्रिया

२४ घण्टामै बन्यो बलियो घर

सामान्यतया घर बनाउन महीनौं लाग्ने गर्छ तर रूसमा भने २४ घण्टाभित्रै एक बलियो घर तयार पारिएको छ । यो घर मानिसले बनाएको नभई थ्रीडी पिण्टेडको सहायताबाट निर्माण गरिएको हो । करीब ११ लाख नेपाली रुपैयाँमा तयार पारिएको यो घर निकै स्तरीय रहेको बताइएको छ । यो घर १ सय ७५ वर्षसम्म टिकाउ हुने उल्लेख छ ।

उक्त घर अमेरिकाको सानफ्रान्सिस्कोमा रहेको एपिस कोर कम्पनीले निर्माण गरेको हो । यो घरको सबैभन्दा बढी खर्च ढोका र झ्यालका लागि गरिएको बताइएको छ । घर निर्माण गर्न थ्रीडी प्रिण्टरको मसीको रूपमा सिमेण्ट र कङ्क्रिटको मिश्रण प्रयोग गरिएको थियो । त्यस्तै, मोबाइल थ्रीडी कन्ष्ट्रक्शनको समेत प्रयोग गरिएको बताइएको छ । घर निर्माण गरिसकेपछि यसमा ढोका र झ्याल हालेर फिनिसिङ गरिएको थियो । ३७ वर्ग मिटरमा निर्माण गरिएको यो घर पारिवारिक बसोवासका लागि उपयुक्त हुने खालको छ । यो घरमा सामान्य घरमा जस्तै सबै किसिमका सुविधा र विशेषता छन् ।

कम्पनीले अझै पनि यसमा धेरै सुधारको सम्भावना रहेको बताएको छ । यो नयाँ प्रविधिको सहयोगले शरणार्थी शिविर तथा प्राकृतिक प्रकोपका कारण घर भत्किएका मानिसका लागि छोटो समयमा राम्रो घर निर्माण गर्न सकिने देखिएको छ । (एजेन्सी)


#  
प्रकाश गुरुङ लेख्नुहुन्छ

याे प्रबिधि नेपाल मा पनि लानु पर्छ यदि कम्पनी को कुनै सवार्थ छैन भने ।

http://nepallife.com.np/
Kalash Cement
http://www.keyalgroup.org
http://www.keyalgroup.org
Trisakti Cement

नयाँ अपडेट

फोटो फिचर

तीतो मीठो

चुनावी नशामा लठ्ठ जनता
चुनाव साँच्चिकै लाग्यो त देशमा । तीव्र राजनीतिक ध्रुवीकरणका कारण पनि चुनावले सबैजसो नेपालीलाई नशा लागेजसरी समातेको छ । अझ वाम र काङको जुहारीले पनि रमाइलो मेला मन पराउने . . . विस्तृतमा »