लगानी

२०७३-१२-१ मा प्रकाशित     ३९८८ पटक पढिएको    ० बिचार / प्रतिक्रिया

ग्लोबल आईएमई बैङ्क लिमिटेड : कम्पनी विश्लेषण (मङ्गलवार, १ चैत २०७३)

प्रमुख गतिविधि :

 

यही चैत २१ गते हुने बैङ्कको १०औं वार्षिक साधारणसभाले १५ दशमलव ७६ प्रतिशत बोनस शेयर दिने भएको छ । साधारणसभाका लागि चैत ७ शेयर दर्ता किताब बन्द गर्ने बताइएको छ । चैत ६ सम्म शेयर किन्ने लगानीकर्ताले यस बैङ्कको बोनस शेयर प्राप्त गर्नेछन् । प्यासिफिक डेभलपमेण्ट बैङ्क खरीद गरेर फागुन १ बाट संयुक्त कारोबार शुरुआत गरेको बैङ्क रिलायबल डेभलपमेण्ट बैङ्कसमेत किन्ने प्रक्रियामा छ । घोषित लाभांश पारित भएमा यो बैङ्क राष्ट्र बैङ्कको पूँजी वृद्धिको नीतिअनुसार ८ अर्ब पूँजी पु¥याउने तेस्रो बैङ्क हुनेछ । पूँजी वृद्धिका क्रममा बैङ्कले मर्जर र एक्विजिशनको नीति अपनाएको छ भने हकप्रद शेयर नदिएका कारण बैङ्कलाई आगामी दिनमा प्रतिशेयर आम्दानी सन्तुलनमा राख्न ठूलो समस्या रहेको देखिँदैन ।

चालू आर्थिक वर्षको दोस्रो त्रैमास र गतवर्षको सोही अवधिमा प्रकाशित वित्तीय विवरणबीच तुलना :
- चालू आवको पुस मसान्तसम्म खुद नाफा ९०  करोड ६२ लाख पुगेको छ । सो गतवर्षको सोही अवधिको तुलनामा करीब १८ दशमलव ८१ प्रतिशत बढी हो । सोही समयमा बैङ्कको पूँजी १६ प्रतिशत वृद्धि भयो ।

- जगेडा कोषमा २८ दशमलव १२ वृद्धि भएको छ । १ अर्ब ९८ करोडको जगेडा कोष वृद्धि भएर २ अर्ब ४६ करोड पुगेको छ ।

- ८४ अर्ब १२ करोड निक्ष्ोप सङ्कलन गरी ७१ अर्ब ५१ करोड कर्जा प्रवाह गरेको छ । निक्षेप ३१ दशमलव ८० प्रतिशत वृद्धि भएको छ भने कर्जा प्रवाह ३० दशमलव शून्य ६ प्रतिशत वृद्धि भएको छ ।

- खुद ब्याज आम्दानी २६ दशमलव ५१ प्रतिशत वृद्धि भएर १ अर्ब ६७ करोड कमाउन बैङ्क सफल भएको छ ।

- सो अवधिसम्म २७  करोड ९ लाख रुपैयाँ प्रोभिजन गर्नुपरेको छ भने जोखीम कोषबाट १९  करोड ५० लाख रकम फिर्ता गरेको छ । प्रोभिजन गतवर्षको तुलनामा २ सय ३७ दशमलव ३५ प्रतिशत वृद्धि हुँदा बैङ्कको खुद नाफामा केही असर परेको देखिन्छ ।   

- पछिल्लो विवरणअनुसार बैङ्कको प्रतिशेयर आम्दानी २५ दशमलव ३५ रुपैयाँ,  प्रतिशेयर नेटवर्थ १३४ दशमलव ४२ रुपैयाँ, पूँजी कोष लागत ४ दशमलव शून्य ५ प्रतिशत, ब्याज स्प्रेड दर ४ दशमलव १४ प्रतिशत मूल्य आम्दानी अनुपात १६ दशमलव ६९ गुणा र निष्क्रिय कर्जा १ दशमलव ६१ प्रतिशत प्रतिशत छ ।

- जोखीम भारित सम्पत्तिको तुलनामा प्रोभिजन १ सय ४९ दशमलव ४३ प्रतिशत छ ।

प्राविधिक विश्लेषण : मूल्यमा केही सकारात्मक सङ्केत

प्रतिरोध २ : ४६५   ।  प्रतिरोध १ : ४३०  ।   टेवा  : ३७५ देखि ४०० को क्षेत्र  ।  हालको अन्तिम मूल्य : ४१४

बजारको अवस्था
बैङ्कको १३ मार्च, २०१७ सम्मको दैनिक मैनबत्ती चार्टको आधारमा, विगत ४ महीनादेखि बजार घट्दै आएको देखिन्छ । अन्तिम कारोबारको दिन बजार ४ सय १४ अङ्कमा बन्द भएको छ । अघिल्लो दिनमा पनि बजार यतिमै बन्द भएको थियो । परिमाण १ लाख ७९ हजार ५ सय २० छ भने यो अघिल्लो दिनको भन्दा ४३ हजार ७ सय ६७ कित्ता कम हो ।

बजारको प्रवृत्ति विश्लेषण
बजारको माथिल्लो र तल्लो बिन्दुहरू घट्ने क्रममा भएकाले बजार घट्दो प्रवृत्तिको र च्यानलको सीमाभित्र उतावचढाव गरिरहेको अवस्थामा पछिल्लो समयमा बजार च्यानलको माथिल्लो प्रवृत्ति रेखा तोड्न सफल भएको छ । त्यसैगरी अघिल्लो हप्तादेखि बजार ४ सयको मनोवैज्ञानिक प्रतिरोधभन्दा माथि रहेको छ ।

४ वर्ष समयावधिको बजार प्रवृत्ति विश्लेषण गर्दा ३ सय ७५ देखि ४ सयको क्षेत्रलाई बलियो टेवाको रूपमा लिन सकिन्छ । त्यहीअनुसार मूल्यले सो टेवा प्राप्त गरी माथि जान खोजेको जस्तो देखिन्छ ।

अन्य प्राविधिक सङ्केतहरू :
एक्सपोनेन्सियल मुभिङ एभरेज (ईएमए) : मूल्यले २१ दिनको ईएमएलाई प्रतिरोधको रूपमा परीक्षण गरिरहेको थियो । पछिल्लो समयमा मूल्य यो प्रतिरोधभन्दा माथि रहेको देखिन्छ ।

रिलेटिभ स्ट्रेन्थ इण्डेक्स (आरएसआई) : १४ दिनको आरएसआई ६० अङ्कमा छ । हाल यसको प्रवृत्ति हेर्दा तल्लो र माथिल्लो बिन्दुहरू बढ्दो प्रवृत्तिमा रहेकाले बजारमा क्रेताहरूको चाप बढी रहेको देखिन्छ ।

एमएसीडी : एमएसीडी रेखाले मध्य रेखालाई मुनिबाट माथितर्फ जान परीक्षण गरिरहेको देखिन्छ । यदि एमएसीडी रेखा मध्य रेखादेखि माथि भएमा बजार सकारात्मक हुन सक्ने सङ्केत गर्छ ।

फिबोनाची रिट्रेसमेण्ट : घट्दो प्रवृत्तिमा रहेको मूल्यको ६ सय २३ देखि ३ सय ६५ सम्मको फिबोनाची रिट्रेसमेण्ट लिँदा अघिल्लो सातादेखि बढिरहेको मूल्यले २३ दशमलव ६ प्रतिशतको रिट्रेसमेण्टलाई प्रतिरोधको रूपमा सामना गर्नुपर्ने देखिन्छ । यो लगभग ४ सय ३० को प्रतिरोध क्षेत्र हो ।

निष्कर्ष :
घट्दो प्रवृत्तिमा रहेको बजार पछिल्लो समयमा केही सूचकहरूले सकारात्मक सङ्केत देखाउन थालेको छ । बजार सकारात्मक हुन सक्ने सङ्केत हुँदै गए पनि ४ सय ३० बलियो प्रतिरोधको रूपमा देखिन्छ । यो कम्पनीको कारोबार गर्नुअघि नेप्सेको प्रवृत्तिलाई पनि ध्यान दिनुपर्ने हुन्छ ।


#  
कुनै पनि बिचार / प्रतिक्रिया छैन ।
http://nepallife.com.np/
Kalash Cement
http://www.keyalgroup.org
http://www.keyalgroup.org
Trisakti Cement

नयाँ अपडेट

फोटो फिचर

तीतो मीठो

चुनावी नशामा लठ्ठ जनता
चुनाव साँच्चिकै लाग्यो त देशमा । तीव्र राजनीतिक ध्रुवीकरणका कारण पनि चुनावले सबैजसो नेपालीलाई नशा लागेजसरी समातेको छ । अझ वाम र काङको जुहारीले पनि रमाइलो मेला मन पराउने . . . विस्तृतमा »