लगानी

२०७३-१२-४ मा प्रकाशित     २४७२ पटक पढिएको    ० बिचार / प्रतिक्रिया

नेको इन्स्योरेन्स कम्पनी लिमिटेड : कम्पनी विश्लेषण (शुक्रवार, ४ चैत २०७३)

प्रमुख गतिविधि :
२०७३ पुस २८ गते भएको २१औं वार्षिक साधारणसभाबाट २० प्रतिशत बोनस शेयर र कर प्रयोजनका लागि १ दशमलव शून्य ५ प्रतिशत नगद लाभांश दिने निर्णय गरेको छ । साथै, कम्पनीले गत फागुन ३ बाट निष्कासन गरेको १०० प्रतिशत हकप्रद शेयरका लागि आवेदन सङ्कलन यही चैत्र ७ गते बन्द हुँदै छ । पुस १३ गते कम्पनीको शेयरधनी दर्ता पुस्तिका भएका शेयर होल्डरले यो १०० प्रतिशत हकप्रद शेयरमा आवेदन  गर्न पाउँछन् ।

नेको इन्स्योरेन्स कम्पनी लिमिटेडले सार्वजनिक गरेको चालू आर्थिक वर्षको दोस्रो त्रैमासिक वित्तीय विवरणअनुसार आर्थिक वर्ष २०७३/७४ र २०७२/७३ बीच तुलना :
- खुद मुनाफा ११९ दशमलव ४६ प्रतिशत बढेर ७ करोड ३३ लाख रुपैयाँ पुगेको छ । यस अवधिमा कम्पनीको पूँजी १५ प्रतिशत वृद्धि भएको छ । पूँजीवृद्धिको तुलनामा खुद मुनाफामा निकै धेरै वृद्धि हुँदा  कम्पनीको प्रतिशेयर आम्दानीमा ठूलो वृद्धि भएको छ । तर, यो वर्ष २० प्रतिशत बोनस र शतप्रतिशत हकप्रदबाट पूँजी थप वृद्धि हुने भएकाले आगामी दिनमा प्रतिशेयर आम्दानी सन्तुलनमा राख्ने ठूलो चुनौती कम्पनीसँग छ ।

- कम्पनीको जगेडा पनि वृद्धि भएको छ । अघिल्लो वर्षको सोही अवधिमा ११ करोड २५ लाख रहेको जगेडा यो त्रैमासमा १४ करोड ७६ लाख भएको छ । साथै, कम्पनीले बीमाकोष ३० दशमलव ५४ प्रतिशत वृद्धि भएर २१ करोड ६७ लाख रुपैयाँ पुगेको छ ।

- कम्पनीको बीमाशुल्क (खुद) आम्दानी ३८ करोड ५९ लाख रुपैयाँ पुगेको छ ।

- कम्पनीले जारी गरेको बीमालेख सङ्ख्या ९७ हजार ३ सय ४५ ओटा छ, जुन अघिल्लो त्रैमासको तुलनमा ११०  दशमलव ६९ प्रतिशत वृद्धि हो ।

- कम्पनीले कुल १९ करोड ०८ लाख  रुपैयाँ दाबी भुक्तानी दिएको छ भने भुक्तानी हुन बाँकी रकम २८ करोड ५७ लाख छ ।

- कम्पनीले १ हजार ५ सय ६७ दाबीको भुक्तानी छ भने भुक्तानी हुन बाँकी दाबी सङ्ख्या १ हजार २४ छ ।

- कम्पनीको दोस्रो त्रैमासमा प्रतिशेयर आम्दानी ४५ दशमलव २६ रुपैयाँ पुगेको छ र मूल्य आम्दानीको अनुपात १८ दशमलव ३१ गुणा, प्रतिशेयर नेटवर्थ २ सय १२ दशमलव ४५ रुपैयाँ, प्रतिशेयर कुल सम्पत्ति मूल्य ५ सय १३ दशमलव ९६ रुपैयाँ छ ।

प्राविधिक विश्लेषण : मूल्य प्रवृत्तिहीन

प्रतिरोध २ : ९००  ।  प्रतिरोध १ : ८५५   । टेवा १ : ७४५ । टेवा २ : ५६८  । हालको अन्तिम मूल्य : ८००

बजारको अवस्था
कम्पनीको १६ मार्च, २०१७ सम्मको दैनिक मैनबत्ती चार्टको आधारमा विगत २ महीनादेखि बजार प्रवृत्तिहीन देखिन्छ । ५ जनवरी, २०१७ मा ८ सय १७ मा कारोबार भइरहेको यो कम्पनीको मूल्य हाल ८ सयमा अन्तिम कारोबार भएको छ । परिमाण २ हजार ६५ छ भने यो अघिल्लो दिनको भन्दा ३ हजार ३२ कित्ता कम हो ।

मूल्यको प्रवृत्ति विश्लेषण
विगत २ महीनादेखि मूल्य ५ सय ६८ र मनोवैज्ञानिक प्रतिरोध क्षेत्र ९ सयको सीमाभित्र उतारचढाव भएको देखिन्छ । त्यसैले, मूल्य प्रवृत्तिहीन देखिन्छ ।

अन्य प्राविधिक सङ्केतहरू :
रिलेटिभ स्ट्रेन्थ इण्डेक्स (आरएसआई) : १४ दिनको आरएसआई विगत १ महीनादेखि ५० अङ्कको हाराहारीमा समानान्तर गतिमा रहेकोले बजार अन्योल प्रवृत्तिको नै देखिन्छ ।

म्याकडी : म्याकडी रेखालाई सिग्नल रेखाले २ महीनाअघि माथितर्फ छिचोल्न सफल भएबापत नकारात्मक क्षेत्रबाट सकारात्मक क्षेत्रतर्फ बढेको देखिए तापनि सकारात्मक क्षेत्रमा नै प्रवेश गरिहालेको छैन । सकारात्मक क्षेत्रमा हुन म्याकडी रेखाले केन्द्र रेखालाई माथितर्फ तोड्न आवश्यक हुन्छ । हाल म्याकडी रेखाले केन्द्र रेखालाई सामना गरिरहेको देखिन्छ ।

निष्कर्ष :
हालसम्मको मूल्य प्रवृत्ति र उल्लिखित प्राविधिक सूचकको आधारमा बजार विश्लेषण गर्दा मूल्यले मनोवैज्ञानिक प्रतिरोध ९ सयलाई निश्चित रूपमा तोड्न सके मूल्य केही समय सकारात्मक हुन सक्ने सङ्केत गर्छ भने मूल्य ७ सय ४५ भन्दा तल झरेमा बजार नकारात्मक क्षेत्रतर्फ जान सक्ने देखिन्छ । यस कम्पनीको विश्लेषणका साथै मुख्य बजार नेप्सेको प्रवृत्तिलाई पनि ख्याल गर्नुपर्ने हुन्छ ।


#  
कुनै पनि बिचार / प्रतिक्रिया छैन ।
http://nepallife.com.np/
Kalash Cement
http://www.keyalgroup.org
http://www.keyalgroup.org
Trisakti Cement

नयाँ अपडेट

फोटो फिचर

तीतो मीठो

चुनावी नशामा लठ्ठ जनता
चुनाव साँच्चिकै लाग्यो त देशमा । तीव्र राजनीतिक ध्रुवीकरणका कारण पनि चुनावले सबैजसो नेपालीलाई नशा लागेजसरी समातेको छ । अझ वाम र काङको जुहारीले पनि रमाइलो मेला मन पराउने . . . विस्तृतमा »