प्रविधि

२०७३-१२-७ मा प्रकाशित     ६०२ पटक पढिएको    ० बिचार / प्रतिक्रिया

डुअल सेल्फी क्यामेरा एफथ्री सिरिज आउँदै

स्मार्टफोन कम्पनी ओप्पोले नयाँ डुअल सेल्फी क्यामेरासहितको एफथ्री प्लस ल्याउने भएको छ । ओप्पोकै पहिलो डुअल सेल्फी क्यामेरा एफथ्रीमा १६ मेगापिक्सेल क्षमताको प्रमुख क्यामेरा र ८ मेगापिक्सेलको सब क्यामेरा हुने बताइएको छ ।

पहिलो चरणमा भारत, इण्डोनेशिया, म्यानमार, फिलिपिन्स र भियतनाम गरी पाँच प्रमुख बजारमा ओप्पोले एफथ्री सिरिजअन्तर्गतको एफथ्री प्लस एकैपटक सार्वजनिक गर्ने तयारी गरेको छ । ओप्पोका उपाध्यक्ष तथा इण्टरनेशनल मोबाइल बिजनेशका प्रबन्ध निर्देशक स्काई लीले एफथ्री सिरिजले सेल्फी प्रविधिलाई नयाँ उचाइमा लैजाँदै नयाँ ट्रेण्ड सेट गर्ने दाबी गरेका छन् ।

हालै प्रकाशित आईडीसीको रिपोर्टअनुसार २८ बजारमा उपस्थित ओप्पो १३ दशमलव २ प्रतिशत बजार हिस्साका साथ दक्षिणपूर्वी एशियाकै दोस्रो ठूलो स्मार्टफोन निर्माता बनेको छ । मार्केट रिसर्च फर्म जीएफकेका अनुसार भारतीय बजारमा ओप्पोले आफ्नो अफलाइन बजार हिस्सा १ दशमलव २ प्रतिशत (डिसेम्बर २०१५)बाट सफलतापूर्वक बढाएर १० दशमलव ९ प्रतिशत पुर्‍याएको छ । कम्पनीले यो सफलता ओप्पोको ‘सेल्फी एक्स्पर्ट’ सिरिज एफवान, एफवान प्लस र एफवानएस स्मार्टफोनको विक्रीबाट हात पारेको हो ।

ओप्पो अमेरिका, अफ्रिका, यूरोप, ओसियानिया र एशियाका उपभोक्ताको आवश्यकता र चाहनाअनुरूप नवप्रवर्तनात्मक उत्पादन उपलब्ध गराउने सोचका साथ स्थापित ब्राण्ड हो । सन् २००४मा स्थापित ओप्पोले आफ्ना उत्पादनका विवरण (डिटेल्स)माथि तीव्र चाखका कारण चाँडै आफूलाई स्थापित गर्न पनि सफल भएको थियो । सन् २००८ मा मोबाइल फोन बजारमा प्रवेशसँगै १ वर्षभित्रै ओप्पोले ओभरसिज मार्केटमा आफ्नो बजार विस्तार गरेको थियो । अहिले ओप्पोको फोन विश्वका २० भन्दा बढी बजारमा उपलब्ध छन् ।


#  
कुनै पनि बिचार / प्रतिक्रिया छैन ।
4th NEWBIZ BUSINESS CONCLAVE & AWARDS
http://nepallife.com.np/
Kalash Cement
http://www.keyalgroup.org
http://www.keyalgroup.org

नयाँ अपडेट

फोटो फिचर

तीतो मीठो

मन्त्री अब ‘नायक’ पनि
जबजब नेपालमा उद्योगी व्यापारीले जनतालाई बढी मूल्य लिएर ठगेर पाप कर्म गर्न थाल्छन्, तबतब कृष्ण भगवान् धर्तीमा आएसरि हाम्रा मन्त्री, सरकारी अधिकारीहरु त्यस्ता पापीहरुलाई समाप्त . . . विस्तृतमा »