लगानी

२०७३-१२-७ मा प्रकाशित     ७५६ पटक पढिएको    ० बिचार / प्रतिक्रिया

नेप्सेमा उत्साहजनक वृद्धि, १४ सय विन्दु पार
  • १ अर्ब २६ करोडको शेयर कारोबार
  • लगानीकर्ताको सम्पत्तिमा ३.११ प्रतिशत वृद्धि

चैत ७, काठमाडौं । लामो समयपछि नेप्से परिसूचकले १ हजार ४ सय बिन्दु पार गरको छ । यस दिन कारोबार रकम र लगानीकर्ताको सम्पत्तिमा पनि उच्च वृद्धि देखिएको छ । करीब ४ महीनापछि सोमवार रू. १ अर्बभन्दा बढीको रकम कारोबार भएको हो । ठूला लगानीकर्ताहरुले बजार प्रबेश गरेपछि कारोबारमा वृद्धि भएको केही ब्रोकरहरु बताउँछन् । एकपटक फेरी बीमा कम्पनीहरुको चुक्तापूँजी बढ्ने हल्ला चलेपछि यस समूहको परिसूचक बढेको हो । तर, यस बाहेक कुनै आधिकारिक जानकारी प्राप्त नभएको उनीहरुको भनाई छ ।

बीमा कम्पनी समूहको परिसूचक ८ दशमलव ५५ प्रतिशत बढेको छ । कारोबारमा आएका सबै बीमा कम्पनीहरुको शेयर मूल्य बढेपछि यस समूहको परिसूचक ५ सय ६६ अङ्क बढेको हो । बढ्ने कम्पनीहरुमा प्रिमियर, एनएलजी, एभरेष्ट र यूनाइटेड इन्स्योरेन्सको मूल्य १० प्रतिशत बढेको हो । यस समूहको १४ दिने रिलेटिभ स्ट्रेन्थ इण्डेक्स (आरएसआइ) न्यूट्रल जोन अथवा ७४ दशमलव ३६ स्केलमा रहेको छ । यसले बजारमा बीमा कम्पनीहरुको शेयरको खरीद विक्री चाप सामान्य रहेको देखाउँछ । होटल समूहको परिसूचक ४ दशमलव १३ प्रतिशतले बढेको छ । ओरियण्टल होटलको शेयर मूल्य रू. १७, सोल्टीको रू. १४ र तारागाँउ रिजेन्सी होटलको रू. ९ ले बढेको छ ।

यस दिन ६ ओटा कम्पनीहरुको शेयर मूल्य १० प्रतिशत बढेको छ । जसमध्ये चार ओटा बीमा कम्पनी र दुई ओटा लघुवित्त कम्पनी (समिट माइक्रोफाइनान्स र वोमी माइक्रोफाइनान्स) रहेका छन् । साथै, अरु १८ कम्पनीको शेयर मूल्य ९ प्रतिशतभन्दा बढी बढेको छ । सो दिन जम्मा सात ओटा कम्पनीहरुको शेयर मूल्य घटेको छ । दोस्रो त्रैमासमा उच्च नाफा कमाउन सफल भएको प्रभु बैङ्कको रू. ११ करोड ५ लाख बराबरको शेयर कारोबार भएको छ । कम्पनी राम्रो भएपनि शेयरमूल्य न्यून रहेका कारण यसप्रति लगानीकर्ता आकर्षित भएका हुन् । यस वाणिज्य बैङ्कको शेयर मूल्य रू. १५ बढेर अन्तिम मूल्य रू. ३ सय ३५ पुगेको छ । बैङ्कको ३ सय १० पटकको व्यापारमा ३ लाख ४७ हजार ३ सय ९ कित्ता शेयर किनबेच भएको हो । सोमवार कारोबारको शुरूवातदेखि निरन्तर उकालो लागिरहेको थियो । शेयर बजार अन्त्यमा ३ दशमलव शून्य ५ प्रतिशत अर्थात् ४२ दशमलव १९ अङ्क बढेर १ हजार ४ सय ३८ विन्दुमा पुगेर बन्द भएको छ । परिसूचकसँगै कारोबार रकम ८४ दशमलव ४३ प्रतिशत बढेको छ भने बजार पूँजीकरण ३ दशमलव ११ प्रतिशत बढेको छ । अघिल्लो दिनको तुलनामा यस दिन कारोबार रकम रू. ५८ करेड बढेर रू. १ अर्ब २६ करोड बराबरको काराबोर भएको छ भने बजार पूँजीकरण रू. १६ खर्ब १६ अर्ब पुगेको हो ।

वित्त कम्पनी समूहको परिसूचक २ दशमलव ८९ प्रतिशत र विकास बैङ्क  २ दशमलव ६४ प्रतिशत बढेको छ । साथै,जलविद्युत समूहको परिसूचक २ दशमलव ६ प्रतिशत, बैङ्किङको २ दशमलव २४ प्रतिशत र ‘अन्य’ समूहको शून्य दशमलव २६ प्रतिशत बढेको हो । हिमालयन डिष्टिलरीको शेयर मूल्य रू. २२ ले घटेपछि उत्पादन तथा प्रशोधन समूहको परिसूचक भने शून्य दशमलव २३ प्रतिशत घटेको हो । दिनभरीमा १ सय ४० कम्पनीको ८ हजार १ सय २२ पटकको व्यापारबाट २५ लाख २७ हजार ५ सय ३५ कित्ता शेयर किनबेच भएको छ । सो दिन ‘क’ वर्गका कम्पनीहरुको कारोबार मापन गर्ने सेन्सेटिभ इण्डेक्स ३ दशमलव शून्य ७ प्रतिशत बढेर ३ सय ९ दशमलव ६० अङ्क पुगेको हो । यस दिन नेप्सेको १४ दिने रिलेटिभ स्ट्रेन्थ इण्डेक्स न्यूट्रल जोन अथवा ६४ दशमलव ८१ स्केलमा रहेको छ । यसले बजारमा शेयरको खरीद विक्री चाप सामान्य रहेको देखाउँछ । त्यसैगरी, सो दिन नेप्सेको एडी रेशियो १८ दशमलव १४ अङ्क रहेको छ । यसले बजार वुलिश प्रवृत्तिमा रहेको देखाउँछ ।


#  
कुनै पनि बिचार / प्रतिक्रिया छैन ।
4th NEWBIZ BUSINESS CONCLAVE & AWARDS
http://nepallife.com.np/
Kalash Cement
http://www.keyalgroup.org
http://www.keyalgroup.org

नयाँ अपडेट

फोटो फिचर

तीतो मीठो

मन्त्री अब ‘नायक’ पनि
जबजब नेपालमा उद्योगी व्यापारीले जनतालाई बढी मूल्य लिएर ठगेर पाप कर्म गर्न थाल्छन्, तबतब कृष्ण भगवान् धर्तीमा आएसरि हाम्रा मन्त्री, सरकारी अधिकारीहरु त्यस्ता पापीहरुलाई समाप्त . . . विस्तृतमा »