अन्तरराष्ट्रिय

२०७३-१२-८ मा प्रकाशित     १७३ पटक पढिएको    ० बिचार / प्रतिक्रिया

भारतमा क्वालकमको ४ जी फिचर फोन उपयोगी चिपसेट सार्वजनिक

चैत ७, वाशिङटन डीसी (अमेरिका) । अमेरिकी बहुराष्ट्रिय सेमिकण्डक्टर तथा दूरसञ्चारीय उपकरण निर्माता कम्पनी क्वालकमले भारतमा ४जी फिचर फोन निर्माणमा प्रयोग हुने चिपसेट क्वालकम २०५ सार्वजनिक गरेको छ । सो चिपसेटको मूल्य ५० डलर रहने अनुमान गरिएको छ । भारत तथा दक्षिण एशियाली राष्ट्रमा दूरसञ्चारीय प्रविधिको वृद्धिका लागि प्रशस्त सम्भावना रहेको पाइएको छ । ४जीको अभिग्रहणमा भएको वृद्घि र फिचर फोन प्रयोगको विस्तारका कारण यस क्षेत्रमा दूरसञ्चारीय प्रविधि विस्तारको प्रशस्त सम्भावना देखिएको छ ।

क्वालकम २०५ ४जी फिचर फोन निर्माणका लागि आवश्यक पर्ने चिपसेट हो । कम्पनीले यसका लागि रिलायन्स जियो, माइक्रोम्याक्स, बोक्र्स, मेगाफोन, फ्लेक्ट्रोनिक्स जस्ता विक्रेतासँग साझेदारी गरेकोसमेत बताएको छ । यी कम्पीनले भारतमा आफ्ना ४जी फिचर फोन विक्री गर्ने योजना बनाएका छन् । यो वर्षको दोस्रो त्रैमाससम्म ४जी फिचर फोन बजारमा उपलब्ध हुने बताइएको छ ।

यो चिपसेटले १ सय ५० मेगाबिट प्रतिसेकेण्डका हिसाबले डाउनलोड स्पिडलाई सपोर्ट गर्नुका साथै २जी, थ्रीजी र ४जीलाई नेटवर्कमाथि पनि पहुँच बढाउने बताइएको छ । यससँगै यसले ३ मेगापिक्सल रियर र फ्रण्ट क्यामरा, ड्युल सिम, हाइडेफिनिशन भिडियो स्ट्रिमिङ्, भीजीए डिस्प्ले र लिनक्समा आधारित अपरेटिङ सिष्टमलाई सपोर्ट गर्ने बताइएको छ । भारतलाई यो चिपसेटको लञ्चिङ प्लेटफर्मका रूपमा लिइएको भए पनि यसमा अन्य क्षेत्रको समेत रुचि रहेको पाइएको छ । यो चिपसेट अरू राष्ट्रका अधिकांश विक्रेताकहाँ पठाइसकेको बताइएको छ । रासस/पीटीआई


#  
कुनै पनि बिचार / प्रतिक्रिया छैन ।
4th NEWBIZ BUSINESS CONCLAVE & AWARDS
http://nepallife.com.np/
Kalash Cement
http://www.keyalgroup.org
http://www.keyalgroup.org

नयाँ अपडेट

फोटो फिचर

तीतो मीठो

मन्त्री अब ‘नायक’ पनि
जबजब नेपालमा उद्योगी व्यापारीले जनतालाई बढी मूल्य लिएर ठगेर पाप कर्म गर्न थाल्छन्, तबतब कृष्ण भगवान् धर्तीमा आएसरि हाम्रा मन्त्री, सरकारी अधिकारीहरु त्यस्ता पापीहरुलाई समाप्त . . . विस्तृतमा »