अन्तरराष्ट्रिय

२०७३-१२-८ मा प्रकाशित     १७५ पटक पढिएको    ० बिचार / प्रतिक्रिया

एशियाली बजारमा कमी

चैत ७, टोकियो (जापान) । सोमवार अधिकांश एशियाली बजार ओरालो लागेको छ । अमेरिकी केन्द्रीय बैङ्क फेडरल रिजर्भ (फेड)ले यो वर्ष अनुमान गरेकोभन्दा सुस्त दरमा ब्याजदर बढ्ने सङ्केत दिएपछि डलरको भाउ दबाबमा परेका कारण बजारमा कमी आएको हो । यससँगै अमेरिकी राष्ट्रपति डोनाल्ड ट्रम्पको कर कटौती गर्ने र खर्च बढाउने जस्ता प्रतिबद्धताले पनि लगानीकर्ता चनाखो बनेको पाइएको छ ।

ट्रम्पको करसम्बन्धी योजनाको ढिलाइका कारण अमेरिकी तथ्याङ्कहरू निराशाजनक बने भने त्यसले जोखीम निम्त्याउन सक्ने देखिएको छ । उक्त दिनको कारोबारमा अधिकांश एशियाली बजारले कमी बेहोरेको थियो । हङकङको शेयर परिसूचक हाङ सेङको भाउ शून्य दशमलव ८ प्रतिशतले बढेर २४ हजार ५ सय १ दशमलव ९९ अङ्कमा उक्लिएको थियो । सूचकको यो आकार सन् २०१५ को अगष्टयताकै उच्च हो ।

त्यस्तै चिनियाँ सूचक साङ्हाई कम्पोजिट इण्डेक्स पनि शून्य दशमलव ४ प्रतिशतले बढेर ३ हजार २ सय ५० दशमलव ८१ अङ्कमा पुगेको थियो । जापानी शेयर बजार भने बिदाका कारण बन्द थियो । यद्यपि, कोरियाली सूचक कोस्पी र अष्ट्रेलियाली सूचक एएसएक्स शून्य दशमलव ४ प्रतिशतले घटेको थियो । सिङ्गापुरको शेयर सूचकले पनि शून्य दशमलव ५ प्रतिशतको कमी हासिल गरेको थियो ।

त्यस्तै यूरोपेली बजारको कुरा गर्दा सोमवार बेलायती सूचकले शून्य दशमलव ३ प्रतिशतको कमी बेहोरेको थियो भने जर्मनी र फ्रान्सेली सूचक पनि शून्य दशमलव ४ प्रतिशतले घटेको थियो । गत बुधवार फेडले प्रमुख बेञ्चमार्क बढाएसँगै दबाबमा परिरहेको डलरको भाउ सोमवार पनि मुद्रा डालोमा रहेका अधिकांश मुद्राको तुलनामा केही कमी आएको थियो । यससँगै फेडले यो वर्ष थप दुईपटक ब्याज बढाउने सङ्केत पनि दिएको छ । रासस/एएफपी


#  
कुनै पनि बिचार / प्रतिक्रिया छैन ।
http://nepallife.com.np/
Kalash Cement
http://www.keyalgroup.org
http://www.keyalgroup.org
Trisakti Cement

नयाँ अपडेट

फोटो फिचर

तीतो मीठो

चुनावी नशामा लठ्ठ जनता
चुनाव साँच्चिकै लाग्यो त देशमा । तीव्र राजनीतिक ध्रुवीकरणका कारण पनि चुनावले सबैजसो नेपालीलाई नशा लागेजसरी समातेको छ । अझ वाम र काङको जुहारीले पनि रमाइलो मेला मन पराउने . . . विस्तृतमा »