अन्तरराष्ट्रिय

२०७३-१२-८ मा प्रकाशित     ११२२ पटक पढिएको    ० बिचार / प्रतिक्रिया

नर्वे विश्वकै सबैभन्दा खुशी देश

चैत ७, वाशिङटन डीसी (अमेरिका) । हरेक मानिसले खुशी र सुखको कल्पना गरिरहेको हुन्छ । खुशी पाउनकै लागि हामी विभिन्न क्रियाकलाप गरिरहेका हुन्छौं । पैसा भयो भने आफू खुशी हुन सक्छौं भन्ने धारणा धेरै मानिसमा व्याप्त छ । हालै सार्वजनिक एक प्रतिवेदनले भने पैसा भएर मात्रै मानिसहरू खुशी नहुने प्रमाणित गरिदिएको छ । सबैभन्दा राम्रो सार्वजनिक सेवा, राजनीतिक स्थिरतालगायत कुराका लागि प्रख्यात नर्वे यस धर्तीको सबैभन्दा सुखी राष्ट्र रहेको एक प्रतिवेदनले देखाएको छ ।

सष्टेनेबल डेभलपमेण्ट सोलुशन्स नेटवर्कले सार्वजनिक गरेको ‘वर्ल्ड ह्याप्पिनेस रिपोर्ट’ शीर्षकको प्रतिवेदनअनुसार ७ दशमलव ५३७ अङ्कसहित नर्वे सूचीको शीर्ष स्थानमा रहेको छ । गतवर्षको तुलनामा तीन स्थान माथि उक्लिएर नर्वे उक्त स्थानमा आएको हो । पछिल्लो समय विश्व बजारमा तेलको भाउ घटेको भए पनि तेल निर्यातमा निर्भर नर्वे शीर्ष स्थानमा रहन सफल भएको छ । यसले खुशीका लागि पैसाभन्दा पनि अरू नै कुरा चाहिँदो रहेछ भन्ने स्पष्ट पारेको छ ।

गतवर्ष सूचीको शीर्ष स्थानमा रहेको डेनमार्क अहिले दोस्रो स्थानमा झरेको छ । विगत चार वर्षमध्ये तीन वर्षको सूचीमा डेनमार्क शीर्ष स्थानमा रहेको थियो । सूचीको तेस्रोदेखि १०औं स्थानसम्म आइसल्याण्ड, स्वीट्जरल्याण्ड, फिनल्याण्ड, नेदरल्याण्ड, क्यानाडा, न्यूजिल्याण्ड, अष्ट्रेलिया र स्वीडेन रहेका छन् । विश्वकै सर्वाधिक शक्तिशाली एवम् आर्थिक दृष्टिले धनी मानिने अमेरिका भने सूचीको १४औं स्थानमा छ । बितेको १ दशकमा अमेरिकीहरूको प्रतिव्यक्ति आयमा मनग्गे वृद्धि भए पनि यिनीहरूको खुशी भने घटेको छ ।

त्यस्तैगरी सूचीका पुछारमा परेको देशलाई सबैभन्दा दुःखी मान्दा केन्द्रीय अफ्रिकी गणतन्त्र विश्वकै सबैभन्दा दुःखी देश हो । २ दशमलव ६९ अङ्क प्राप्त गरी यो सूचीको निम्नस्थानमा रहेको छ । सबैभन्दा दुःखी देशको सूचीमा बुरुण्डी, ताञ्जानिया, सिरिया, रुवाण्डा, टोगो, गिनी, लाइबेरिया, दक्षिणी सुडान र येमन दूःखी राष्ट्रको दोस्रोदेखि १०औं स्थानमा छन् । सूचीमा १ सय ५५ देश समावेश गरिएको थियो । रासस/एपी

नेपाल ९९औं स्थानमा
यस वर्षको सूचीमा नेपाल ९९औं स्थानमा परेको छ । नेपाल ४ दशमलव ९६२ अङ्कसहित उक्त स्थानमा रहेको हो । नेपालभन्दा माथि क्रिगिस्तान र तल मङ्गोलिया रहेका छन् । छिमेकी देश चीन र भारत क्रमशः ५ दशमलव २७३ अङ्क र ४ दशमलव ३१५ अङ्कसहित सूचीको ७९औं र १ सय २२औं स्थानमा छन् । त्यस्तैगरी पाकिस्तान, बङ्गलादेश, भुटान, माल्दिभ्स र श्रीलङ्का क्रमशः ८०औं, १ सय १०औं, ९७औं र १ सय २०औं स्थानमा रहेका छन् ।


#  
कुनै पनि बिचार / प्रतिक्रिया छैन ।
4th NEWBIZ BUSINESS CONCLAVE & AWARDS
http://nepallife.com.np/
Kalash Cement
http://www.keyalgroup.org
http://www.keyalgroup.org

नयाँ अपडेट

फोटो फिचर

तीतो मीठो

मन्त्री अब ‘नायक’ पनि
जबजब नेपालमा उद्योगी व्यापारीले जनतालाई बढी मूल्य लिएर ठगेर पाप कर्म गर्न थाल्छन्, तबतब कृष्ण भगवान् धर्तीमा आएसरि हाम्रा मन्त्री, सरकारी अधिकारीहरु त्यस्ता पापीहरुलाई समाप्त . . . विस्तृतमा »