बजार

२०७३-१२-८ मा प्रकाशित     ३५१ पटक पढिएको    ० बिचार / प्रतिक्रिया

चैत ७, रूपन्देही । प्रधानमन्त्री कृषि आधुनिकीकरण परियोजनाका लागि रूपन्देहीमा यो वर्षका लागि करीब २१ करोड रुपैयाँ बजेट आएको छ । सरकारले उक्त परियोजनाअन्तर्गत रूपन्देहीमा पहिलोपटक मत्स्य जोन, पकेट र ब्लकका कार्यक्रम लागू गरेको छ । पकेट, जोन र ब्लक गरी तीन कार्यक्रमका लागि २० करोड ५८ लाख ८७ हजार रुपैयाँ आएको हो ।

जिल्लामा पहिलो पटक कृषिलाई व्यवसायीकरण गर्न ल्याइएको परियोजना १० वर्षसम्म सञ्चालन हुनेछ । पहिलो वर्षका लागि उक्त २० करोड ५८ लाख रूपैयाँ सरकारले विनियोजन गरेको हो । परियोजनाबाट १० वर्षमा रूपन्देहीलाई माछा, धान र तरकारी उत्पादनको नमूना जिल्ला बनाउने राज्यको लक्ष्य छ ।

जिल्ला कृषि विकास कार्यालय रूपन्देहीका कार्यालय प्रमुख भोजराज सापकोटाले व्यावसायिक कृषि उत्पादनका लागि उक्त बजेट आएको बताए । कार्यालयले तीनओटै परियोजनाको काम तीव्र रूपमा अगाडि बढाएको उनको भनाइ छ । सापकोटाका अनुसार जोनका लागि १७ करोड ६८ लाख ९९ हजार, पकेटका लागि १ करोड ७८ लाख ३ हजार, ब्लकका लागि १ करोड ११ लाख ८५ हजार रुपैयाँ विनियोजना गरिएको छ ।

सापकोटाले भने, ‘अब कृषिमा केही गर्छु भन्ने किसानलाई आर्थिक अभावले मन खुम्चाउनुपर्ने अवस्था हट्यो ।’ मत्स्य पोखरी, नर्सरी, तरकारी र धानको ब्लक निर्माण र उत्पादनका लागि उक्त रकम कृषकलाई अनुदानका रूपमा दिइने छ । त्यसका लागि छुट्टाछुट्टै समिति गठन गरी विभिन्न प्रक्रिया अपनाई कार्य हुनेछ ।

परियोजना सञ्चालन भएका गाविस/क्षेत्रका कृषक समूह, सहकारी, कुषि उद्यमी तथा व्यवसायीबाट जोन सञ्चालन समितिहरू गठन गर्ने कार्ययोजनामा उल्लेख छ । यो वर्ष जिल्लाका ८ गाविस दयानगर, पश्चिम अमुवा, मानमटेरिया, सुर्यपुरा, धमौली, कमहरिया, मैनाहिया र हर्नैयामा मत्स्य जोन कार्यक्रम लागू भएको छ ।

जिल्लामा पहिलो पटक कृषि क्षेत्रमा ठूलो रकमको बजेट आएकाले धेरै किसानको सहभागिता र कार्यक्रमका बारेमा जानकारी दिन कार्यक्रम सञ्चालन गरेको परियोजनाका प्रमुख मकबुल अलीले जानकारी दिए । परियोजनाअन्तर्गत ५ सय हेक्टरमा माछा जोन कार्यक्रम लागू भएको छ । कृषि विकास कार्यालयअन्तर्गत १ सय हेक्टरमा माछा र धानको ब्लक र १ सय हेक्टरमा ६० ओटा पकेट क्षेत्र रहनेछ । जिल्लामा अहिले करीब १ हजार हेक्टर क्षेत्रमा माछापालन हुँदै आएको छ, जसमा माछा र धानका लागि ३० हेक्टर र अन्य बाली ३० हेक्टर गरेर पकेट क्षेत्र कार्यक्रम आएको परियोजनाले जानकारी दिएको छ । यी क्षेत्रमा यो वर्षभित्र थप ५ सय हेक्टर नयाँ पोखरी निर्माण गर्नुपर्ने परियोजना इकाइ जोनका प्रमुख अलीले जानकारी दिए । पकेटको कार्यक्रम जिल्लाभरि नै सञ्चालन हुनेछ भने दुईओटा ब्लक कार्यक्रमअन्तर्गत धान–असुरैना र मर्चवार, माछा सिक्टहन र छोटकी रामनगरमा सञ्चालन हुनेछ ।

पकेट र ब्लकको कार्यक्रम ३ वर्षसम्म सञ्चालन हुने र आवश्यकता हेरेर अगाडि बढाइने सापकोटाले बताए । उनले भारतबाट आउने सस्तो मूल्यको बजारसँग प्रतिस्पर्धा गर्न र कृषिलाई आधुनिकीकरण गर्न प्रधानमन्त्री कृषि आधुनिकीकरण कार्यक्रमले सहयोग मिल्ने बताए ।


#  
कुनै पनि बिचार / प्रतिक्रिया छैन ।
http://nepallife.com.np/
Kalash Cement
http://www.keyalgroup.org
http://www.keyalgroup.org
Trisakti Cement

नयाँ अपडेट

फोटो फिचर

तीतो मीठो

चुनावी नशामा लठ्ठ जनता
चुनाव साँच्चिकै लाग्यो त देशमा । तीव्र राजनीतिक ध्रुवीकरणका कारण पनि चुनावले सबैजसो नेपालीलाई नशा लागेजसरी समातेको छ । अझ वाम र काङको जुहारीले पनि रमाइलो मेला मन पराउने . . . विस्तृतमा »