लगानी

२०७३-१२-८ मा प्रकाशित     ५५५० पटक पढिएको    ० बिचार / प्रतिक्रिया

नेपाल बङ्गलादेश बैङ्क लिमिटेड : कम्पनी विश्लेषण (मङ्गलवार, ८ चैत २०७३)

प्रमुख गतिविधि :

 

गत कात्तिक ८ गते सम्पन्न कम्पनीको २२औं वार्षिक साधारणसभाले लगानीकर्तालाई ३२ प्रतिशत बोनस शेयर र कर प्रयोजनका निमित्त १ दशमलव ६८ प्रतिशत नगद लाभांश दिएको छ । बैङ्कले ८० प्रतिशत अर्थात् १०० बराबर ८० का दरले हकप्रद शेयर जारी गर्दै छ । हकप्रद शेयरका लागि यही मिति १७ गते बुक क्लोज रहेको छ भने चैत १६ गतेसम्म शेयर किन्ने लगानीकर्ताले हकप्रद शेयरका लागि आवेदन दिन पाउनेछन् ।

यो वर्ष प्रदान गरेको बोनस शेयर र ८० प्रतिशत हकप्रदपश्चात् कम्पनीको पूँजी ७ अर्ब २१ करोड पुग्नेछ, जुन राष्ट्र बैङ्कले तोकेको ८ अर्ब पूँजीको लक्ष्यभन्दा ११ प्रतिशत मात्र कमी हो । अर्को वर्ष बैङ्कले कम्तीमा ११ प्रतिशत आफ्नो पूँजीवृद्धि गर्नुपर्नेछ ।

नेपाल बङ्गलादेश बैङ्क लिमिटेडले सार्वजनिक गरेको चालू आर्थिक वर्षको दोस्रो त्रैमासिक वित्तीय विवरणअनुसार आर्थिक वर्ष २०७३/७४ र २०७२/७३ बीच तुलना :
- बैङ्कको खुद नाफा ५४ करोड ६ लाख पुगेको छ । अघिल्लो आर्थिक वर्षको तुलनामा यो करीब ४६ दशमलव ७० प्रतिशत वृद्धि हो । यही समयमा पूँजी ३२ प्रतिशत वृद्धि भई ४ अर्ब १ करोड पुगेको छ ।

- बैङ्क कर्जा प्रवाहमा केही आक्रामक हिसाबले अघि बढेको देखिन्छ । निक्षेप १५  दशमलव ५७  प्रतिशत वृद्धि भयो भने कर्जा प्रवाहे करीब २४ दशमलव १० प्रतिशत वृद्धि भएको देखिन्छ । त्यसैले, बैङ्कको सीसीडी रेशियो ७८ दशमलव १९ प्रतिशत छ, जुन राष्ट्र बैङ्कले तोकेको ८० प्रतिशतको थ्रेसहोल्ड नजिकै हो ।  

- बैङ्कको प्रमुख आम्दानीको स्रोतमा रहेको खुद ब्याज आम्दानी २८ दशमलव ३० प्रतिशत वृद्धि भएको छ । बैङ्क ७२ करोड ६१ लाख खुद ब्याज आम्दानीबापत कमाउन सफल भएको छ ।
- बैङ्कले १४ करोड ५९ लाख रुपैयाँ प्रोभिजन गर्नुपरेको छ भने जोखीम कोषबाट ६ करोड ९० लाख फिर्ता गरेको छ ।

- बैङ्कले प्रकाशन गरेको वित्तीय विवरणअनुसार प्रतिशेयर आम्दानी २७, प्रतिशेयर नेटवर्थ १६४ प्रतिशत, पूँजी कोष लागत ४ दशमलव ४४ प्रतिशत, मूल्य आम्दानी अनुपात २८ गुणा, ब्याज स्प्रेडदर ४ दशमलव १७ प्रतिशत र निष्क्रिय कर्जा शून्य दशमलव ९९ प्रतिशत छ ।

निष्कर्ष :
वृद्धि भएको पूँजीको तुलनामा प्रतिशेयर आम्दानी सन्तुलनमा राख्न सक्नु बैङ्कको सकारात्मक पक्ष छ । कम्पनीले केही वर्षयता  लगानीकर्ताका लागि निकै राम्रो प्रतिफल दिँदै आएको छ  । तर, अब आउने ८० प्रतिशत हकप्रद शेयरले गर्दा बैङ्कलाई प्रतिशेयर आम्दानी सन्तुलनमा राख्न र पहिलेको तुलनामा लाभांश दिन चुनौती थपिएको छ ।

प्राविधिक विश्लेषण : बजार सकारात्मक हुँदै

प्रतिरोध २ : ८३२  ।  प्रतिरोध १ : ७६० ।  टेवा १ : ६३७   ।   टेवा २ : ५६३   ।  हालको अन्तिम मूल्य : ७०५

बजारको अवस्था
कम्पनीको २० मार्च, २०१७ सम्मको दैनिक मैनबत्ती चार्टको आधारमा लगभग २ महीनादेखि प्रवृत्तिहीन देखिएको बजार २ दिन अघिदेखिको कारोबारमा सकारात्मक सङ्केत देखिएको छ । २ फेब्रुवरी, २०१७ मा ७ सयसम्ममा कारोबार भएको थियो । यसले गर्दा ७ सय प्रतिरोधको रूपमा देखिएको थियो । हाल यो कम्पनीको मूल्य ७ सय ५ मा अन्तिम कारोबार भएको छ । यो अघिल्लो दिनको कारोबारभन्दा २६ रुपैयाँ अर्थात् ३ दशमलव ८३ प्रतिशत बढी हो । परिमाण ७१ हजार ४ सय ६१ छ भने यो अघिल्लो दिनको भन्दा १३ हजार ५ सय ५५ कित्ता बढी हो ।

मूल्यको प्रवृत्ति विश्लेषण
लगभग २ महीनादेखि मूल्य प्रवृत्तिहीन देखिए तापनि अन्तिम कारोबारको दिन ७ सयको प्रतिरोध तोडेको छ । यो निश्चित रूपमा तोडिएको हो भने बजार सकारात्मक हुन सक्ने सङ्केत गर्छ ।

अन्य प्राविधिक सङ्केतहरू :
एक्सपोनेन्सियल मुभिङ एभरेज (ईएमए) : ६ दिनको ईएमएले २१ दिनको ईएमएलाई तलबाट माथितर्फ छिचोलेको देखिन्छ । यसले बजारमा विक्रेताको चाप कम हुँदै गएको र क्रेताको चाप बढी रहेको सङ्केत गर्छ ।

रिलेटिभ स्ट्रेन्थ इण्डेक्स (आरएसआई) : १४ दिनको आरएसआई ६६ अङ्कमा रहेको छ । यस सूचकको प्रवृत्ति हेर्दा सकारात्मक देखिएको छ ।

म्याकडी : म्याकडी रेखालाई सिग्नल रेखाले १ महीनाअघि माथितर्फ छिचोल्न सफल भएबापत नकारात्मक क्षेत्रबाट सकारात्मक क्षेत्रतर्फ बढेको देखिएको र यो हप्ता कारोबार शुरू भएदेखि म्याकडी रेखाले केन्द्ररेखालाई माथितर्फ तोड्न खोजेको देखिन्छ ।  

परिमाण : यो साताको परिमाण सकारात्मक देखिएको छ ।

निष्कर्ष :
हालसम्मको मुल्य प्रवृत्ति र उल्लिखित प्राविधिक सूचकको आधारमा विश्लेषण गर्दा बजार सकारात्मक देखिन थालेको छ । यदि मूल्य ७ सयभन्दा माथि स्थिर रहेमा बजार बढ्दो प्रवृत्तिको हुन सक्ने सङ्केत गर्छ र तत्कालीन प्रतिरोध ७ सय ६० मा रहेको देखिन्छ । यस कम्पनीको कारोबार गर्नुअघि आफै मनन गर्नुपर्ने हुन्छ ।


#  
कुनै पनि बिचार / प्रतिक्रिया छैन ।
http://nepallife.com.np/
Kalash Cement
http://www.keyalgroup.org
http://www.keyalgroup.org
Trisakti Cement

नयाँ अपडेट

फोटो फिचर

तीतो मीठो

चुनावी नशामा लठ्ठ जनता
चुनाव साँच्चिकै लाग्यो त देशमा । तीव्र राजनीतिक ध्रुवीकरणका कारण पनि चुनावले सबैजसो नेपालीलाई नशा लागेजसरी समातेको छ । अझ वाम र काङको जुहारीले पनि रमाइलो मेला मन पराउने . . . विस्तृतमा »