लगानी

२०७३-१२-८ मा प्रकाशित     ९०४ पटक पढिएको    ० बिचार / प्रतिक्रिया

लक्ष्मी बैङ्क लिमिटेड : कम्पनी विश्लेषण (मङ्गलवार, ८ चैत २०७३)

प्रमुख गतिविधि :
बैङ्कले गत असार १७ गते प्रोफेशनल दियालो विकास बैङ्कलाई आफूसँग गाभेको थियो । लक्ष्मी बैङ्कको प्रतिशेयर मूल्यको ५० प्रतिशत रहने मूल्याङ्कन गरी आफूमा गाभेको थियो ।

लक्ष्मी बैङ्कले गत पुस २७ गते बसेको सञ्चालक समितिको बैठकले आर्थिक वर्षको मुनाफाबाट ३८ प्रतिशत बोनस शेयर वितरणको प्रस्ताव गरेको थियो । प्रोफेशनल दियालो विकास बैङ्कलाई एक्वायर प्रक्रियामा रहेको तथा थप जारी गर्न लागिएको शतप्रतिशत हकप्रद समेतलाई समायोजन गर्दा बोनस १८ दशमलव २९ प्रतिशत हुने कुरा कम्पनीले स्पष्ट पारेको थियो ।

नेपाल धितोपत्रबाट लगानी व्यवस्थापन, शेयर निष्कासन तथा विक्री प्रबन्धक आदि सेवाका लागि बैङ्कको सहायक कम्पनी लक्ष्मी क्यापिटल मार्केट लिमिटेड पनि सञ्चालनमा छ । साथै, कम्पनीको रू. ५० करोड रुपैयाँको लक्ष्मी भ्यालू फण्ड–१ नामक सामूहिक लगानी कोष योजना जारी रहेको छ । बैङ्कले लघुवित्त कार्यक्रमलाई सशक्त र विस्तारित रूपमा अगाडि बढाउन लक्ष्मी लघु वित्त वित्तीय संस्था लिमिटेड नामक सहायक कम्पनी पनि सञ्चालन गरेको छ ।

लक्ष्मी बैङ्कले सार्वजनिक गरेको चालू आर्थिक वर्षको दोस्रो त्रैमासिक वित्तीय विवरणअनुसार आर्थिक वर्ष २०७३/७४ र २०७२/७३ बीच तुलना :
- बैङ्क चालू अर्थिक वर्ष २०७३/७४ को दोस्रो त्रैमासमा खुद मुनाफा ३४ दशमलव शून्य १ प्रतिशत वृद्धि गरी ४० करोड ६३ लाख रुपैयाँ कमाउन सफल भएको छ । अघिल्लो वर्षको सोही अवधिमा ३३ करोड ३२ लाख रुपैयाँ मुनाफा आर्जन गरेको थियो ।

- ३ अर्ब ३ करोड ९२ लाख रुपैयाँ चुक्ता पूँजी भएको बैङ्कले जगेडा कोषमा ३ अर्ब ६२ करोड ६७ लाख रुपैयाँ राखेको छ ।

- निक्षेपमा ३५ दशमलव १४ प्रतिशत वृद्धि गरी ५५ अर्ब ५५ करोड ४८ लाख रुपैयाँ सङ्कलन गरेको थियो ।

- कर्जामा ४६ अर्ब ७१ करोड १ लाख रुपैयाँ लगानी गरेको छ ।

- खुद ब्याज आम्दानी ३४ दशमलव ९५  प्रतिशत बढेर ७७ करोड ६५ लाख रुपैयाँ पुगेको छ ।

- सञ्चालन मुनाफामा २१ दशमलव शून्य ३ प्रतिशत बढेर ४८ करोड ९५ लाख रुपैयाँ पुगेको छ ।
 
- प्रोभिजनमा १९ करोड १५ लाख रुपैयाँ राखेको छ ।

- निष्क्रिय कर्जा शून्य दशमलव १७ प्रतिशत बढेर १ दशमलव ३१ प्रतिशत छ ।

- जोखीमयुक्त सम्पत्ति शून्य दशमलव ४७ प्रतिशत घटेर १० दशमलव ८९ प्रतिशत छ ।

- प्रतिशेयर आम्दानी २६ दशमलव ७४ रुपैयाँ, मूल्य आम्दानीको अनुपात २८ दशमलव ५३ गुणा, प्रतिशेयर नेटवर्थ २ सय १९ दशमलव ३३ रुपैयाँ र तरलता अनुपात २१ दशमलव ९८ प्रतिशत छ ।

निष्कर्ष
लक्ष्मी बैङ्क लिमिटेडको खुद मुनाफा बढ्नुमा प्रमुख कारण  खुद ब्याज आम्दानी, फी कमिशन तथा छूट, अन्य सञ्चालक आम्दानी वृद्धि हुनुका साथै खराब कर्जा उठाएसँगै मुनाफा बढेको हो । कर्जामा ३९ प्रतिशत वृद्धि भएपछि जोखीम व्यवस्थापन कोषको रकम बढेको छ ।

सकारात्मक पक्षमा निष्क्रिय कर्जा अघिल्लो त्रैमास भन्दा करीब शून्य दशमलव ३० प्रतिशत घटेर १ दशमलव ३१ प्रतिशत पुगेको छ । यस कम्पनीको सीडी रेशियो ७७ दशमलव ६९ प्रतिशत छ । यसको अर्थ यस बैङ्कलाई कर्जा प्रवाह खासै समस्या रहेको देखिँदैन ।

प्राविधिक विश्लेषण : मुनाफा सुरक्षित गर्दै लगानीकर्ता

प्रतिरोध २ : ७८० । प्रतिरोध १ : ७६० । हालको अन्तिम मूल्य : ७४५ । टेवा १ : ७०० । टेवा २ : ६७५

बजारको अवस्था
गत महीनादेखि बढ्दो प्रवृत्तिमा रहेको लक्ष्मी बैङ्कको शेयरमूल्यमा अहिले केही प्रतिरोध आएको छ । सोमवार कम्पनी ९ रुपैयाँ कमी भएर ७ सय ४५ रुपैयाँमा बन्द भएको छ । आइतवार ३१ हजार ५ सय ९८ कित्ता शेयर कारोबार भएको थियो भने सोमवार ३५ हजार ७ सय ३४ कित्ता शेयर कारोबार भएको छ । गत जुलाईमा कम्पनीको शेयरमूल्य ९ सय ७० रुपैयाँसम्म पुगेको थियो भने त्यसपछि लगातार घट्दो प्रवृत्तिमा रहेको थियो ।

टेवा प्रतिरोध विश्लेषण
कम्पनीको शेयरमूल्यले ७ सय ६० रुपैयाँको सतहमा प्रतिरोध पाएको देखिन्छ । गत सेप्टेम्बर र अक्टोबरबाट आएको प्रवृत्ति रेखामा बजारले प्रतिरोध पाएको देखिन्छ । साथै, जनवरीको अधिकतम मूल्य र फेब्रुअरीको न्यूनतम मूल्यलाई आधार मानेर खिचिएको फिबोनासीको ७८ दशमलव ८ प्रतिशतमा पनि बजारले प्रतिरोध पाएको देखिन्छ ।

मैनबत्ती विश्लेषण
सोमवार बजारले ७ सय ६५ रुपैयाँको बिन्दु परीक्षण गरे पनि त्यस सतहमा स्थिर हुन नसकी ७ सय ४५ रुपैयाँसम्म झरेको थियो । घट्दो बजार र बढ्दो कारोबारले बजार केही नकारात्मक हुन सक्ने सङ्केत गर्छ ।

मुभिङ एभरेज
२१ दिने मुभिङ एभरेज र ५० दिने मुभिङ एभरेजले भने बजार बढ्दो प्रवृत्तिमा रहेको देखाएको छ । हालको बजार यी दुवै मुभिङ एभरेजभन्दा माथि छ । साथै, २१ दिने मुभिङ एभरेज ५० दिने मुभिङ एभरेज माथि हुनु पनि सकारात्मक पक्ष नै छ ।

निष्कर्ष
बजार बढ्ने सङ्घर्ष गरेको देख्न सकिन्छ भने केही कमी हुन सक्ने सम्भावना पनि प्रबल देखिन्छ । अहिलेको मूल्यतिर कारोबारीले मुनाफा सुरक्षित गरेको देखिएको हुनाले केही दिन कमी हुन सक्ने देखिन्छ ।


#  
कुनै पनि बिचार / प्रतिक्रिया छैन ।
4th NEWBIZ BUSINESS CONCLAVE & AWARDS
http://nepallife.com.np/
Kalash Cement
http://www.keyalgroup.org
http://www.keyalgroup.org

नयाँ अपडेट

फोटो फिचर

तीतो मीठो

मन्त्री अब ‘नायक’ पनि
जबजब नेपालमा उद्योगी व्यापारीले जनतालाई बढी मूल्य लिएर ठगेर पाप कर्म गर्न थाल्छन्, तबतब कृष्ण भगवान् धर्तीमा आएसरि हाम्रा मन्त्री, सरकारी अधिकारीहरु त्यस्ता पापीहरुलाई समाप्त . . . विस्तृतमा »