यातायात

२०७४-०१-५ मा प्रकाशित     ५९७ पटक पढिएको    ० बिचार / प्रतिक्रिया

काठमाडौं । स्थानीय तह निर्वाचनको घोषणापछि कर्मचारी अन्यत्र व्यस्त हुनुपरेको कारण देखाउँदै भूकम्पपीडितले गोलाप्रथाबाट पाउने ट्याक्सी सञ्चालनको अनुमति पछि सारिएको छ ।

१५ सय भूकम्पपीडितलाई गोलाप्रथाबाट काठमाडौंमा ट्याक्सी सञ्चालन गर्न दिने भनेर यातायात व्यवस्था विभागले आवेदन माग गरेको थियो । देशभरका गाउँगाउँबाट आएका भूकम्पपीडितले बिहान ४ बजेदेखि नै लाइन बसेर सय रुपैयाँ तिरेर आवेदन भरेका थिए ।

ट्याक्सी सञ्चालनको अनुमति पाएमा नियमित आम्दानी हुने सोच्दै भूकम्पपीडितहरू विगत ८ महीनादेखि चिठ्ठा खोलिने आशमा बसेका थिए । निर्वाचनका कारण आवश्यक तयारी गर्न नसक्ने भन्दै जेठ १३, १४ र १५ गते मात्र गोलाप्रथाबाट ‘भाग्यशाली’ भूकम्पपीडित छान्ने निर्णय यातायात व्यवस्था विभागले गरेको छ ।

सरकारले भूकम्प प्रभावित १४ जिल्लाका बासिन्दालाई काठमाडौंमा ट्याक्सी चलाउन अनुमति दिने निर्णय गरेको थियो । भूकम्पपीडितलाई ट्याक्सी सञ्चालन अनुमतिको आवेदन खुला गर्दा १ लाख ४८ हजारले आवेदन दिएका थिए ।  

विभागले गत फागुनमै सम्पूर्ण आवेदकको पुस्तिका प्रकाशन गरेर सम्बन्धित जिल्लामा पठाएको छ । आवेदकले सम्बन्धित जिल्लामा आफ्नो नाम परेको वा नपरेको हेरेर, गल्ती भएका ठाउँमा सच्याएर पठाएकोलाई समेटेर पुस्तिका प्रकाशनसमेत गरिएको छ ।


#  
कुनै पनि बिचार / प्रतिक्रिया छैन ।
http://nepallife.com.np/
Kalash Cement
http://www.keyalgroup.org
http://www.keyalgroup.org
Trisakti Cement

नयाँ अपडेट

फोटो फिचर

तीतो मीठो

चुनावी नशामा लठ्ठ जनता
चुनाव साँच्चिकै लाग्यो त देशमा । तीव्र राजनीतिक ध्रुवीकरणका कारण पनि चुनावले सबैजसो नेपालीलाई नशा लागेजसरी समातेको छ । अझ वाम र काङको जुहारीले पनि रमाइलो मेला मन पराउने . . . विस्तृतमा »