तीतो मीठो

२०७४-०१-८ मा प्रकाशित     १८१६२ पटक पढिएको    ७ बिचार / प्रतिक्रिया

ख्यालख्याल गर्दा स्याल पल्ट्यो भन्थे । चुनावको कुरा पनि ख्यालख्याल नै होला भन्दै गर्दा माहौल त साँच्चिकै चुनाव हुने जस्तो पो बन्दै गएको छ ।

मधेशवादी केही दलबाहेक बाँकी सबै दल, सरकार, निर्वाचन आयोग, सुरक्षा निकाय आदि सबै सरोकारवाला निकायका पछिल्ला दौडधूप हेर्दा चुनाव हुने भयोजस्तो लागेको छ है । बाहिर जति विरोध गरे पनि मधेशवादी दलहरुले समेत भित्रभित्रै निर्वाचन आयोगलगायत देशैभरि चुनावमा भाग लिनेगरी दर्ता पनि गराइसकेका रहेछन् । त्यतिमात्र कहाँ हो र, अब त मधेशवादी दलहरुबीच पार्टी एकीकरण पनि भइसक्यो । यसको मतलब चुनाव चैं हुने पक्कापक्की भएजस्तो छ ।

चुनाव एकै चरणमा हुन्छ वा दुईमा भन्ने कुरा भने अझै टुङ्गो लागिसकेको छैन । जति चरणमा भए पनि चुनाव चैं गज्जबकै हुनेछ । एक त एउटै सरकारका दुई उपप्रधानमन्त्रीको जुँगाको लडाइँ नै मतदाताका लागि चुनावमा जान प्रशस्त आकर्षण भएको छ । एउटा उपप्रम निर्वाचन आयोगलाई नै थर्काउँदै चुनावै बहिष्कार गर्ने घुर्की देखाउने । अर्को वरीयतामा प्रथम हुन नपाए मन्त्रिमण्डल बैठकै बहिष्कार गर्ने । अझ चुनाव हुन सक्तैन भनी ट्विट गरिहिँड्ने, फेरि करेक्शन गरेर रिट्विट गर्ने । तर, दुबैले सरकार चैं नछाड्ने । अर्थात् तातो पानी नपाए चिसै पानीले नुहाइरहने । अन्ततः निर्वाचन आयोग आफै झुक्यो । उपप्रमको कुरो पनि मिल्यो । चुनावको उपक्रम पनि जुट्यो ।

अर्को थरी दलहरु यसो नि हुँदैन, उसो नि हुँदैन भनेर आन्दोलनको धम्की मात्र दिइरहने, तर आन्दोलन भने गर्न नसक्ने । कोही अति राष्ट्रवादी दलहरु जो चुनाव सबै सिट हाम्ले नै जित्ने हो भनेर गुड्डी हाँक्दै हिँड्ने तर मधेशमा टिकेर जनतालाई कुरा बुझाउन नसक्ने र त्यहाँ गएर कार्यक्रम गर्न पनि नसक्ने । यो पनि कम मनोरञ्जक छैन ।

यता, स्वयम् प्रधानमन्त्री आफू पनि मेयरको आकाङ्क्षी भएको कुरा गरी हिँड्ने । मेयर पदको पावर देखेर हो वा बेलाबेलामा लिक बाहिर बोल्ने बानी परेका कारण हो, प्रचण्डले मेयरमा उम्मेदवार बन्ने पनि भन्न भ्याएछन् । यसले पनि मतदातालाई थप मनोरञ्जन प्रदान गरिरहेकै हुनुपर्छ । साँच्चिनै एक ठाउँमा प्रचण्ड, अर्कोमा ओली र अर्कोमा देउवा गर्दै एवं रीतले माधव, झलनाथ, विजुक्छे, चित्रबहादुर, बाबुराम, उपेन्द्र महतो सबै एकएक ठाउँका मेयर भइदिए कति रमाइलो हुन्थ्यो । भूतपूर्व प्रम र वर्तमान मेयर श्री......... भनेर सम्बोधन गर्दाको मजै बेग्लै हुन्थ्यो । यसले मेयर पदको गरिमा पनि बढ्थ्यो ।

हुन त अहिलेसम्म सबै उम्मेदवार तय भइसकेका छैनन् । तर, केही नाम बाहिर आएका छन् । अहिले सार्वजनिक भएका मेयरका उम्मेदवारहरुको नाम हेर्दा पनि रमाइलै लाग्ने खालको छ । किनकि कोही भर्खर आफ्नी आमाको दूध चुुस्न छाडेका जस्ता छन् । कोही उसकै हजुरबाउजस्ता । कोही सरकारी जागिरमा असफल भएर कसैको उक्साहटमा राजनीतिमा होमिएका जस्ता । कोही आफ्नो कपाल सम्हाल्न नसक्ने तर हेर्दा बबाल फेशनवाल पनि उम्मेदवार छन्, जसले मन्त्रीभन्दा पावरफूल मेयर पद कसरी सम्हाल्लान् जस्ता ।

उम्मेदवार मात्र होइन, चुनाव चिह्न पनि गजब गजबका छन् । कसैको चिह्न लिपिष्टिक । कसैलाई लभ साइन अर्थात् मुटुजस्तो प्रेम चित्र । एउटा त उल्लुको चित्र पनि रहेछ । पाउने र भोट हाल्ने दुवै थरीलाई यस्ता चिह्न रमाइलै लाग्छन् होला ।

यस्तो रमाइलो वातावरणमा चुनाव हुन गइरहेको छ । यति भएपछि कतिपयले शङ्का गरेजस्तो चुनावै नहुने, वा भए पनि भयङ्कर मारकाट हुने वा झगडा हुने त कहीँबाट पनि देखिँदैन । संविधानसभाको चुनावमा पनि शङ्कालुहरु यस्तै ‘भयङ्कर’ केही हुन्छ भन्थे, भएन । र, संविधानसभाको चुनाव भएरै छाड्यो ।

भलै संविधान बनेपछि त सबै समस्याको समाधान हुन्छ, देश र जनताले के के न पाउँछन् भन्थे मान्छेहरु । तर, अहिलेसम्म केही पाएका छैनन् । सायद यो स्थानीय चुनाव भएपछि चाहिँ केही पाउने पो हुन् कि !


#  
kishor लेख्नुहुन्छ

malai ta bujhanai garo vho yo rajniti ko kura herda ra sunda ta sab dalal nai lagchhan

Ashish kumar लेख्नुहुन्छ

Sab neta haru aafnai barema sochxan nepal ko halat kxa kasailai thaxaina atlist nepal ko bikas gara ho netaharu......

surya लेख्नुहुन्छ

आश गरुम भर पर्ने चै कुनै आधार छैन

nar Sunar लेख्नुहुन्छ

Nepal ma j jati vai rahaxa janta ko kamjori le ho e neta lai juwa hali jotna saknu par xa jani pani dahudan xan.nepali janta ko hatma xa thik ho sathi ho ................?

dil kumarbasnet लेख्नुहुन्छ

ekdam sahi xa yaspali chunab hunai parxa

SAMTEN SHERAB लेख्नुहुन्छ

Chunab pakai huna parcha ra. Ramro dankale

अर्जुन लेख्नुहुन्छ

कसैले केही गर्ने वाला छैनन् जुन जाेगि अाएपनि कानै चिरेकाे त हाे चुनाव अगाडि सबै गर्छु चुनाव पछाडि लम्पसार पर्छु हुने न हाे ।। जय पशुपति नाथ बाबा ।

http://nepallife.com.np/
Kalash Cement
http://www.keyalgroup.org
http://www.keyalgroup.org
Trisakti Cement

नयाँ अपडेट

फोटो फिचर

तीतो मीठो

जमेर तिहार मनाऔं

जमेर तिहार मनाऔं

मदन लम्साल

गृह मन्त्रालयले तिहारमा पटाका र आतिसबाजी खुलेआम नल्याउन र नपड्काउन उर्दी जारी गरिसकेको छ । अब कसैले लुकिछिपी ल्याएर पड्काए भने त भिन्नै कुरा हो । गाउँशहरमै दिनदहाडै गोली पड्किएर . . . विस्तृतमा »