विविध

२०७४-०१-८ मा प्रकाशित     १८१ पटक पढिएको    ० बिचार / प्रतिक्रिया

वैशाख ७, काठमाडौं । नेपाल निर्माण व्यवसायी महासङ्घले सार्वजनिक खरीद नियमावली संशोधनविरुद्ध आन्दोलन गर्न मूल सङ्घर्ष समिति गठन गरेको छ । बिहीवार राजधानीमा आयोजित राष्ट्रिय भेलाले अध्यक्ष शरदकुमार गौचनको नेतृत्वमा समिति गठन गरेको हो ।

सरकारले गत पुस ८ गते सार्वजनिक खरीद नियमावली, २०६४ मा चौंथो संशोधन गरेको थियो । त्यसको ३ महीना पनि नपुग्दै गत फागुन २६ गते पुनः पाँचौं संशोधन गरेको र उक्त संशोधन निर्माण व्यवसायीको हितमा नरहेको भन्दै व्यवसायीहरू आन्दोलित भएका हुन् ।

महासङ्घले व्यवसायीका मागहरू पूरा नभएकाले आन्दोलनमा जानुको विकल्प नभएको जानकारी दिएको छ । भेलामा ४५ जिल्लाका करीब ३ सय व्यवसायी सहभागी थिए ।

समितिमा महासङ्घ कार्यसमिति, पूर्वपदाधिकारी, ७५ जिल्ला सङ्घ, ५ क्षेत्रीय सङ्घ, वस्तुगत सङ्घसहित काठमाडौं, ललितपुर, भक्तपुर, नुवाकोट, सिन्धुपाल्चोक, चितवन र मकवानपुर जिल्ला सङ्घको सम्पूर्ण कार्यसमितिलाई सदस्य तोकिएको छ । आन्दोलन मूल सङ्घर्ष समितिले छिट्टै सशक्त आन्दोलनका कार्यक्रमहरू घोषणा गर्ने अध्यक्ष गौचनले जानकारी दिए ।


#  
कुनै पनि बिचार / प्रतिक्रिया छैन ।
http://nepallife.com.np/
Kalash Cement
http://www.keyalgroup.org
http://www.keyalgroup.org
Trisakti Cement

नयाँ अपडेट

फोटो फिचर

तीतो मीठो

चुनावी नशामा लठ्ठ जनता
चुनाव साँच्चिकै लाग्यो त देशमा । तीव्र राजनीतिक ध्रुवीकरणका कारण पनि चुनावले सबैजसो नेपालीलाई नशा लागेजसरी समातेको छ । अझ वाम र काङको जुहारीले पनि रमाइलो मेला मन पराउने . . . विस्तृतमा »