समाचार

२०७४-०१-८ मा प्रकाशित     ४९२ पटक पढिएको    ० बिचार / प्रतिक्रिया

आन्तरिक राजस्व लक्ष्यको १०४ %

वैशाख ७, काठमाडौं (अस)। सरकारले चालू आव २०७३/७४ को चैत्र मसान्तसम्म लक्ष्यको तुलनामा १ सय ४ प्रतिशत आन्तरिक राजस्व सङ्कलन गरेको छ । यस अवधिको राजस्व सङ्कलनको लक्ष्य रू. १ खर्ब ६५ अर्ब १६ करोड रहेकोमा रू. १ खर्ब ७२ अर्ब १७ करोड राजस्व सङ्कलन भएको आन्तरिक राजस्व विभागको तथ्याङ्कले देखाएको छ । सो राजस्व सङ्कलन गतवर्षको सोही अवधिको तुलनामा ३२ प्रतिशतले बढी हो ।

यस अवधिमा सङ्कलित कुल आन्तरिक राजस्वमा आयकर मात्र रू. ९५ अर्ब ३९ करोड ५६ लाख छ । सो रकम लक्ष्यको तुलनामा १ सय ७ प्रतिशत भएको विभागकी उपमहानिर्देशक तथा प्रवक्ता चन्द्रकला पौडेलले बताइन् । आयकर वर्गमा विभिन्न स्रोतबाट प्राप्त आयमा लाग्ने (आयकर), बहालकर र ब्याजकर समावेश हुन्छ । आयकर शीर्षकको राजस्व सङ्कलन गतवर्षको सोही अवधिको तुलनामा ३२ प्रतिशतले बढी हो ।

त्यसैगरी मूल्य अभिवृृद्धि कर भने लक्ष्यको ९९ प्रतिशत वा रू. ४३ अर्ब ५ करोड ४६ लाख सङ्कलन भएको छ । गत आर्थिक वर्षको सोही अवधिको तुलनामा मूल्य अभिवृद्धि करमा २६ प्रतिशत वृद्धि भएको छ । अन्तःशुल्कमा भने रू. ३२ अर्ब ३६ करोड ४५ लाख ७६ हजार सङ्कलन भएको छ । यो गतवर्षको तुलनामा ३९ प्रतिशतले बढी हो भने लक्ष्यको तुलनामा १ सय ४ प्रतिशत हो ।

त्यसबाहेक पनि सरकारले शिक्षासेवा शुल्कबापत रू. ५९ करोड ४४ लाख ५४ हजार सङ्कलन गरेको छ । अघिल्लो वर्षको तुलनामा ३१ प्रतिशतले बढेको सङ्कलित शिक्षा करको रकम लक्ष्यको तुलनामा भने ९५ प्रतिशत मात्र हो । सरकारले स्वास्थ्य सेवा करबापत पनि रू. ७६ करोड ११ लाख २८ हजार सङ्कलन गरेको छ । गतवर्षको तुलनामा २५ प्रतिशतले बढेको स्वास्थ्य कर लक्ष्यको तुलनामा ८६ प्रतिशत मात्र हो ।  चैतसम्मको अवधिमा सरकारले लक्ष्यको तुलनामा बढी नै राजस्व असुली गरेको विभागकी प्रवक्ता पौडेलले बताइन् ।

 

 


#  
कुनै पनि बिचार / प्रतिक्रिया छैन ।
4th NEWBIZ BUSINESS CONCLAVE & AWARDS
http://nepallife.com.np/
Kalash Cement
http://www.keyalgroup.org
http://www.keyalgroup.org

नयाँ अपडेट

फोटो फिचर

तीतो मीठो

मन्त्री अब ‘नायक’ पनि
जबजब नेपालमा उद्योगी व्यापारीले जनतालाई बढी मूल्य लिएर ठगेर पाप कर्म गर्न थाल्छन्, तबतब कृष्ण भगवान् धर्तीमा आएसरि हाम्रा मन्त्री, सरकारी अधिकारीहरु त्यस्ता पापीहरुलाई समाप्त . . . विस्तृतमा »